រាជធានីភ្នំពេញ ៖ អនុប្រធានគណបក្សសង្គ្រោះជាតិ លោក កឹម សុខា បានមានប្រសាសន៍ថា គម្រោងដែលបេក្ខជនជាប់ឆ្នោតតំណាងរាស្រ្តរបស់គណបក្សសង្គ្រោះជាតិទំាង៥៥រូប គ្រោងចូលព្រះបរមរាជវំាងដើម្បីស្បថនិងធ្វើសច្ចាប្រណិធានចំពោះព្រះភក្ត្រព្រះមហាក្សត្រនៅថ្ងៃទី២៥ កក្កដា ២០១៤នេះ ត្រូវលុបចោលវិញ ។
មេដឹកនំាបក្សប្រឆាំងថ្លែងបា្រប់អ្នករាយការណ៍ព័ត៌មានបែបនេះ បានធ្វើឡើងនៅព្រឹកថ្ងៃទី២៥ កក្កដា ២០១៤ នៅសាលាដំបូងរាជធានីភ្នំពេញ ខណៈលោកបានបញ្ចប់ការឆ្លើយបំភ្លឺពាក់ព័ន្ឋនឹងអំពើហិង្សានៅទីលានប្រជាធិបតេយ្យកាលពីថ្ងៃទី១៥ កក្កដាកន្លងមកនេះ ។
បើតាមលោក អេង ឆៃអ៊ាង មន្រ្តីជាន់ខ្ពស់គណបក្សសង្គ្រោះជាតិ ការលុបចោលនេះគឺដោយសារមូលហេតុ គណបក្សសង្គ្រោះជាតិជាប់រវល់រៀបចំកែទម្រង់តាមកិច្ចព្រមព្រៀងកាលពីថ្ងៃទី២២ កក្កដា និង ម្យ៉ាងទៀតដោយសារសមាជិកបេក្ខជនជាប់ឆ្នោតតំណាងរាស្រ្តមួយចំនួនបាននិងកំពុងជាប់បំពេញបេសកកម្មនៅក្រៅប្រទេស ៕
ចែករំលែកព័តមាននេះ