រាជធានីភ្នំពេញ ៖ ជាងផ្សារដែកម្នាក់ផឹកស៊ីស្រវឹងឡើងទៅគោះទ្វារប្រពន្ធយូរពេក ដើរទ្រេតទ្រោតដាំដូងធ្លាក់ពីលើវេរ៉ង់ដា មុខបន្ទប់ជាន់ទី៣ បណ្តាលឲ្យបែកក្បាលសន្លប់ស្តូកស្តឹង កាលពីវេលាម៉ោង១ និង១០នាទីរំលងអធ្រាត្រ ឈានចូលថ្ងៃទី២៥ កក្កដា នៅភូមិដូង សង្កាត់កាកាប ខណ្ឌពោធិ៍សែនជ័យ ។
រាជធានីភ្នំពេញ ៖ ជាងផ្សារដែកម្នាក់ផឹកស៊ីស្រវឹងឡើងទៅគោះទ្វារប្រពន្ធយូរពេក ដើរទ្រេតទ្រោតដាំដូងធ្លាក់ពីលើវេរ៉ង់ដា មុខបន្ទប់ជាន់ទី៣ បណ្តាលឲ្យបែកក្បាលសន្លប់ស្តូកស្តឹង កាលពីវេលាម៉ោង១ និង១០នាទីរំលងអធ្រាត្រ ឈានចូលថ្ងៃទី២៥ កក្កដា នៅភូមិដូង សង្កាត់កាកាប ខណ្ឌពោធិ៍សែនជ័យ ។
ជនរងគ្រោះឈ្មោះ ហេង ជា ភេទប្រុស អាយុ២៣ឆ្នាំ ជាជាងផ្សារដែក ស្នាក់នៅផ្ទះជួលភូមិកើតហេតុខាងលើ មានប្រពន្ធឈ្មោះ ឃឿន អាយុ២៦ឆ្នាំ ។
បើតាមប្រពន្ធជនរងគ្រោះបានឲ្យដឹងថា ប្តីរបស់នាងបានផឹកស៊ីជាមួយមិត្តភក្កិធ្វើការជាមួយគ្នានៅកន្លែងធ្វើការតាំងពីម៉ោង៥ល្ងាចថ្ងៃទី២៤ កក្កដា រហូតដល់ម៉ោងជាង៩យប់ទើបត្រឡប់មកដល់ផ្ទះ ហើយមិនព្រមសម្រាកទេ បានបន្តទៅផឹកស្រាជាមួយពូនៅមុខផ្ទះជាន់ក្រោមទៀត ទោះបីជាប្រពន្ធហាមមិនឲ្យទៅផឹកក៏មិនស្តាប់ដែរ ដោយនៅអង្គុយផឹករហូតដល់ម៉ោងកើតហេតុខាងលើទើបប្តីដើរឡើងទៅគោះទ្វារហៅប្រពន្ធនៅជាន់ទី៣ តែពេលដែលគោះភ្លាមៗនោះប្រពន្ធមិនបានបើកទ្វារទេ ព្រោះជាប់រវល់មើលកូនឈឺ ធ្វើឲ្យប្តីនៅឈររង់ចាំប្រពន្ធដើរចុះដើរឡើងទ្រេតទ្រោតទាំងស្រវឹងបណ្តាលឱ្យដាំដូងធ្លាក់ពីលើជាន់ទី៣ទៅដល់ជាន់ក្រោមបោកក្បាលសន្លប់ស្តូកស្តឹងតែម្តង ។
ក្រោយពេលកើតហេតុសាច់ញាតិ និងប្រពន្ធបានដឹកតាមម៉ូតូយកទៅព្យាបាលនៅមន្ទីរពេទ្យព្រះកុសុមៈ ។ គ្រូពេទ្យបានដេរមុខរបួសរួចហើយបានធូរស្រាលឡើងវិញហើយ ៕
ចែករំលែកព័តមាននេះ