១- ប្រណាំងរថយន្តប្រើពន្លឺព្រះអាទិត្យ
«ឌិនហាវិន -២»រថយន្តដើរដោយថាមពលព្រះអាទិត្យរបស់និស្សិតអីុរ៉ង់បានដាក់បង្ហាញនៅមុនពេលប្រកួតក្នុងចម្ងាយផ្លូវ២.៧៣៥គីឡូម៉ែត្រ កាលពីថ្ងៃទី២ កក្កដា ២០១៤ ។
១- ប្រណាំងរថយន្តប្រើពន្លឺព្រះអាទិត្យ
«ឌិនហាវិន -២»រថយន្តដើរដោយថាមពលព្រះអាទិត្យរបស់និស្សិតអីុរ៉ង់បានដាក់បង្ហាញនៅមុនពេលប្រកួតក្នុងចម្ងាយផ្លូវ២.៧៣៥គីឡូម៉ែត្រ កាលពីថ្ងៃទី២ កក្កដា ២០១៤ ។
២- តុបតែងដើមឈើជារូបនាគ
លោកចន ប្រ៊ូហ្គ័រ ជនជាតិអង់គ្លេសអាយុ៧៥ឆ្នាំ ដែលចូលនិវត្តន៍ពីជួរទ័ពបានតុបតែងដើមឈើនៅផ្ទះក្នុងក្រុងណូវហ្វុកណានអស់រយៈពេល១០ឆ្នាំឱ្យក្លាយជារូបនាគប្រវែង៣០ម៉ែត្រនិងមានកម្ពស់៦ម៉ែត្រ ។
៣- ដែកច្នៃជាគល់ឈើ
រូបសំណាក«គល់ឈើដែក» ជាស្នាដៃរបស់លោកអាយវើយវើយ វិចិត្រករជនជាតិចិនដាក់តាំងបង្ហាញឱ្យទស្សនាចាប់ពីថ្ងៃទី២៤ ឧសភារហូតដល់ថ្ងៃទី២ វិច្ឆិកា ២០១៤ ។
៤- យានស្រាវជ្រាវបាត់មួយរយៈបង្ហាញខ្លួនជាថ្មី
រូបក្រាហ្វិកនៃយានស្រាវជ្រាវភពផែនដីនិងព្រះអាទិត្យអន្តរជាតិ(ISEE) របស់អង្គការណាសា(NASA) ដែលផលិតឡើងកាលពីឆ្នាំ១៩៧៨ ប្រើសម្រាប់ស្រាវជ្រាវពីខ្យល់ ។ ក្នុងឆ្នាំ១៩៨១យាននោះត្រូវបញ្ជូនទៅលំហ អវកាសជាថ្មីដើម្បីស្វែងរកផ្កាយដុះកន្ទុយនៅក្នុងរង្វង់គោចរ ប៉ុន្តែក្រោយមកបានបាត់ស្រមោល។ NASA បញ្ជាក់ថា ទាក់ទង វាលែងបានប៉ុន្តែបច្ចុប្បន្នវាបង្ហាញខ្លួននៅក្បែរផែនដី ។ អ្នកវិទ្យាសាស្ត្រចង់យកយាននោះមកកែច្នៃប្រើប្រាស់ជាថ្មី ។
៥- បក្សីជាប់អន្ទាក់
គណៈកម្មការប្រឆាំងនឹងការសម្លាប់សត្វបក្សី(CABS) បង្ហាញបក្សីតូចមួយក្បាលឈ្មោះSylvia Curruca ដែលសំណាងអាក្រក់ជាប់អន្ទាក់ ។ បើតាមស្ថិតិបង្ហាញថា មានបក្សីនៅលើកោះក្នុងសមុទ្រមេឌីទែររ៉ាណេចំនួន២លានក្បាលត្រូវបានគេសម្លាប់កាលពីឆ្នាំ២០១៣ ។
៦- សូកូឡាតំណាងរង្វាន់នៅក្រុងកាន
ស្ករសូកូឡាតំណាងរង្វាន់ជារូបស្លឹកដូងប្រេងមាសដាក់តាំងបង្ហាញនៅហាងមួយក្នុងទីក្រុងកានដើម្បីស្វាគមន៍ទិវាភាពយន្តអន្តរជាតិក្រុងកានលើកទី៦៧ កាលពីថ្ងៃទី២៤ ឧសភា ២០១៤ ។
៧-ជ្រូកព្រៃChacoan Peccary
កូនជ្រូកព្រៃពូជ«Chacan Peccary» ៣ក្បាលដេកក្នុងទ្រុងនៅឧទ្យានសត្វក្រុងឡូសអេចឺឡេស សហរដ្ឋអាមេរិក ជាសត្វព្រៃដ៏កម្របច្ចុប្បន្នមានចំនួន៣០០០ក្បាលនៅលើពិភពលោក ។
៨-បញ្ចុះអដ្ឋិធាតុព្រះអង្គម្ចាស់រីឆាដទី៣
រូបគំនូររបស់ព្រះអង្គម្ចាស់រីឆាតទី៣នៃចក្រភពអង់គ្លេសជាស្នាដៃរបស់ វិចិត្រករអាមេរិកបានដាក់តាំងបង្ហាញនៅអគារសិល្បៈក្រុងឡុង បន្ទាប់ពីតុលាការកំពូលសម្រេចឱ្យបញ្ចុះអដ្ឋិធាតុរបស់ព្រះអង្គដែលជីករកឃើញកាលពី២ឆ្នាំមុននិងរក្សាទុកនៅវិហារមួួយក្នុងក្រុងឡេស្ទ័រ តែសាច់ញាតិចង់ឱ្យយកទៅបញ្ចុះនៅក្រុងយ៉េកឈ័ររួមជាមួយសមាជិករាជវង្សដទៃទៀត ។
៩- គោពាក់ជើងសិប្បនិមិត្ត
កូនគោមួយក្បាលត្រូវគ្រូពេទ្យសត្វក្នុងរដ្ឋតិចសាស់ដាក់ជើងសិប្បនិមិត្តឱ្យវាក្រោយពីជើងវារងរបួស ។
១០-ពិនិត្យដោយប្រើដៃស្ទាប
ជនពិការភ្នែកបានទស្សនាការតាំងពិព័រណ៍សរីរាង្គមនុស្សផលិតពីប្លាស្ទិកនៅក្រុងមុយនិក ប្រទេសអាល្លឺម៉ង់ ៕
ចែករំលែកព័តមាននេះ