ទីផ្សារលក់រថយន្តថ្មីនៅប្រទេសសិង្ហបុរី ហាក់មានសន្ទុះកើនឡើងយា៉ងរឹងមាំប្រមាណជា១០%ពីមួយឆ្នាំទៅមួយឆ្នាំក្នុងខែមិថុនា ក្នុងនោះការចុះបញ្ជីរថយន្តថ្មីសម្រេចបាន ២.៤១៤គ្រឿង ដែលបានពាំនាំមកនូវអត្រាលក់សរុបក្នុងរយៈពេល៦ខែដើមឆ្នាំនេះចំនួន១២.៣១១គ្រឿងកើន៥% បើធៀបនឹងឆ្នាំ២០១៣ ។
រថយន្តដែលមានប្រជាប្រិយភាព និងលក់ដាច់ជាងគេបំផុតនៅទូទាំងប្រទេសគឺយីហោ Toyota ឬ Lexus លក់បាន៤៨០គ្រឿង ហើយផ្សារហ៊ុន១៩,៩% កើនឡើង៣៨% ពីមួយឆ្នាំទៅមួយឆ្នាំ ខណៈដែលយីហោ Mercedes កើន១០%, BMW ធ្លាក់ចុះ ៣៩% និង Volkswagen ធ្លាក់ចុះ ៤% ។ ចំណែកយីហោ Mazda កើនឡើងយា៉ងខ្លាំងរហូតដល់ទៅ១៩០% ស្ថិតក្នុងតំណែងទី៥ រីឯ Audi បានតាមទាន់នឹងវា៉ដាច់ Nissan គ្រប់គ្រងតំណែងទី៦ ក្នុងបញ្ជីអ្នកលក់ដាច់ជាងគេក្នុងអំឡុងពេលកន្លះឆ្នាំនេះ ។
ជាមួយគ្នានោះដែរ គួរកត់សម្គាល់ថា យីហោ Honda មានសន្ទុះខ្លាំងក្លាកើនឡើងរហូតដល់ទៅ១៤៤%, ខណៈ Hyundai កើន១០៣%, Kia កើន១៧៣%, Ford កើន២១៣%, Renault កើន៥៥០% និង Alfa Romeo កើន៤៥០% ។ដោយឡែក ចំពោះទីផ្សារលក់រថយន្តថ្មីនៅប្រទេសវៀតណាមឯណេះវិញ គឺនៅតែមានភាពខ្លាំងក្លាដដែលកើនឡើង៣២%ពីមួយឆ្នាំទៅមួយឆ្នាំក្នុងខែមិថុនា ជាមួយនឹងការចុះបញ្ជីបាន១០.៨៥៣គ្រឿង ហើយគិតចាប់ពីដើមឆ្នាំរហូតមកដល់ខែមិថុនា ការចុះបញ្ជីសរុបមានចំនួន៥៤.៩៨៦គ្រឿង កើន២៧%ធៀបនឹងឆ្នាំ២០១៣ ។ ទីផ្សារនៅក្នុងប្រទេសហាក់មានសន្ទុះខ្លាំងក្លាបែបនេះ ក៏ព្រោះតែការណែនាំនូវជំនាន់ថ្មីរបស់រថយន្ត Toyota Vios កាលពីពីរខែមុន ដែលបានធ្វើឱ្យរថយន្តនោះនៅតែជាម៉ូដែលលក់ដាច់ជាងគេបំផុតនៅទូទាំងប្រទេសវៀតណាម ។
នៅខែទី២នៃការបង្ហាញវត្តមានលើទីផ្សារក្រុមហ៊ុនលក់ចេញបាន៧៧៩គ្រឿងដែលធ្វើឱ្យភាគហ៊ុនកើនឡើង៧,២% ទោះជាយា៉ងណាវានៅតែស្ថិតក្នុងលំដាប់ទី៣ គិតមកត្រឹមខែមិថុនា រថយន្តនេះចុះបញ្ជីបាន៣.០៣០គ្រឿងឬស្មើនឹង៥,៥% ទាបជាង Toyota Fortuner (៦,៩%) និង Innova (៦,៧%) ។ លើសពីនេះ Toyota ក៏បានបង្ហាញវត្តមានជាលើកដំបូងនូវម៉ូដែល Yaris ស៊េរីថ្មីផងដែរក្នុងខែនេះ ហើយវាក៏ជាប់លំដាប់លេខរៀងទី១២ជាមួយនឹងការលក់បាន២១៣គ្រឿង ហើយភាគហ៊ុនមាន២% ។ នេះបញ្ជាក់ឱ្យឃើញថា នៅលើទីផ្សារវៀតណាម រថយន្ត Toyota ៦ម៉ូដែល ជាប់ក្នុងបញ្ជីរថយន្តលក់ដាច់ជាងគេលំដាប់កំពូលទាំង៧ក្នុងពេលឆាប់ៗនេះ ។
ខាងក្រោមនេះគឺជាបញ្ជីរថយន្តលក់ដាច់ជាងគេនៅប្រទេសទាំងពីរប្រចាំខែមិថុនាឆ្នាំ២០១៤ ។
ប្រទេសវៀតណាម ៈ
១-Toyota Vios លក់បាន៧៧៩គ្រឿង, ២-Toyota Fortuner (៧១៤គ្រឿង), ៣-Toyota Innova (៦៧០គ្រឿង), ៤-Kia Morning (៤១៦គ្រឿង), ៥-Toyota Camry (៤០៨គ្រឿង), ៦-Toyota Corolla Altis (៤០៤គ្រឿង), ៧-Ford Transit (៣០៦គ្រឿង), ៨-Honda CR-V (៣០២គ្រឿង), ៩-Ford Ranger (២៩៥គ្រឿង), ១០-Kia K3 (២២៤គ្រឿង), ១១-Suzuki Super Carry (២១៤គ្រឿង), ១២-Toyota Yaris (២១៣គ្រឿង), ១៣-Chevrolet Spark (២១២គ្រឿង), ១៤-Mazda CX-5 (២០៣គ្រឿង), ១៥-Mazda BT-50 (១៩០គ្រឿង), ១៦-Suzuki Carry (១៧៩), ១៧-Mazda3 (១៧៥), ១៨-Honda City (១៦៥), ១៩-Chevrolet Cruze (១៥៤), ២០-Ford Everest (១៤៩), ២១-Ford Fiesta (១៤៨), ២២-Toyota Hilux (១៤២), ២៣-Nissan Sunny (១២៥), ២៤-Kia Sorento (១០៤), ២៥-Kia Carens (៨៣), ២៦-Ford Focus (៧៤), ២៧-Chevrolet Aveo (៧១), ២៨-Mazda2 (៦៧), ២៩-Toyota Hiace (៥៦), ៣០-Kia Rio (៥២) ។
ប្រទេសសិង្ហបុរី ៈ
១-Toyota/Lexus លក់បាន៤៨០គ្រឿង, ២-Mercedes (៣៩៤), ៣-BMW (២៧២), ៤-Volkswagen (២៤៧), ៥-Mazda (១៨៣), ៦-Audi (១៦៦), ៧-Nissan (១២៦), ៨-Honda (៨៨), ៩-Hyundai (៧១), ១០-Kia (៦០), ១១-Volvo (៥៥), ១២-Subaru (៤៩), ១៣-Ford (៤៧), ១៤-Jaguar (២៧), ១៥-Chevrolet (២១), ១៦-Porsche (១៩), ១៧-Land Rover (១៧), ១៨-Mini (១៤), ១៩-Renault (១៣), ២០-Peugeot (១១), ២១-Citroen (១១), ២២-Alfa Romeo (១១), ២៣-Opel (១០), ២៤-Maserati (៧), ២៥-Bentley (៣), ២៦-Jeep (៣), ២៧-Chrysler (២), ២៨-Suzuki (១), ២៩-Infiniti (១), ៣០-Ferrari (១), ៣១-Rolls-Royce (១), ៣២-SsangYong (១), ៣៣-Mclaren (១), ៣៤-Alpina (១) ៕
ចែករំលែកព័តមាននេះ