សារព័ត៌មាន CBS Destroit នៅទីក្រុងសៅហ្វ៊ីល សហរដ្ឋអាមេរិក កាលពីថ្ងៃទី២១ កក្កដា ២០១៤ ផ្សាយថា អ្នកស្រី Sadie Bell អាយុ៥៨ឆ្នាំ ត្រូវប៉ូលិសចាប់ខ្លួនកាលពីខែមករា ២០១៣ ពីបទបាញ់ប្ដីឈ្មោះ Edward Lee បណ្ដាលឱ្យរបួសធ្ងន់ ព្រោះតែខឹងរួមរ័កមិនធ្វើឱ្យនាងគាប់ចិត្ដ ។
អ្នកស្រី Sadie Bell បានទទួលការធានាឱ្យនៅក្រៅឃុំដើម្បីរង់ចាំឡើងតុលាការជាថ្មី ក្រោយពីស្ថិតក្នុងគុកអស់រយៈពេលជិត១ឆ្នាំ ។ លោកផូល វ៉លតុន ប្រធានអយ្យការផ្នែកស៊ើបអង្កេតឱ្យដឹងថា អ្នកស្រី Sasie Bell បានសារភាពថា គាត់បានបាញ់ប្ដីនៅពេលរួមរ័កជាមួយគ្នា ។ គាត់ធ្វើបែបនោះព្រោះខឹងប្ដីរួមរ័កមិនបានធ្វើឱ្យគាត់សុខស្រួល និងសង្ស័យថា មានស្រីថ្មី ។
ប្ដី-ប្រពន្ធនេះបានរួមរស់ជាមួយគ្នាអស់រយៈពេល១៥ឆ្នាំមកហើយ ។ លោកវ៉លតុន បញ្ជាក់ថា អ្នកស្រី Sadie Bell បានរៀបរាប់លំអិតប្រាប់ប៉ូលិសថា រូបនាងចូលចិត្ដរួមរ័កជាមួយប្ដី និងរំពឹងថា ប្ដីនឹងធ្វើឱ្យនាងបានសុខស្រួល ប៉ុន្ដែគេមិនបានបំពេញបំណងនាងទេ ។ មិនតែប៉ុណ្ណោះទឹកកាមរបស់គេមានបរិមាណតិច ធ្វើឱ្យនាងយល់ថាប្រាកដជាមានស្រីផ្សេង ។
តុលាការបានសម្រេចឱ្យអ្នកស្រី Sadie Bell ជាប់គុក ប៉ុន្ដែមេធាវីរបស់នាងរិះរកវិធីជួយឱ្យអាចធានានៅក្រៅឃុំបាន ។ បុរសជាប្ដីមិនយល់ស្របចំពោះការដោះលែងអ្នកស្រី Sadie Bell ឱ្យនៅក្រៅឃុំទេ ព្រោះចាត់ទុកថា នាងជាបុគ្គលដ៏គួរឱ្យខ្លាច ដោយហ៊ានសម្លាប់អ្នកផ្សេង ព្រោះតែរឿងតូចតាចមិនសមហេតុផល ។
កាលពីឆ្នាំ១៩៩១ នាងក៏ធ្លាប់បាញ់អតីតប្ដីរបស់ខ្លួនដែរ ប៉ុន្ដែគេរួចផុតពីគ្រោះថ្នាក់ដល់ជីវិត ។ អ្នកស្រី Sadie Bell បានទទួលការធានាឱ្យនៅក្រៅឃុំដោយបង់ប្រាក់ ១០.០០០ដុល្លារ ។ បុរសជាប្ដីដែលត្រូវប្រពន្ធបាញ់នោះរបួសពោះវៀនធំ និងថ្លើម ប៉ុន្ដែបានព្យាបាលជាសះស្បើយហើយ ៕
ចែករំលែកព័តមាននេះ