រាជធានីភ្នំពេញ ៖ អស់ពេលជាយូរមកហើយដែល ស៊ឹម ថៃណា តារាដើមទ្រូងសិចស៊ី បាត់មុខពីកញ្ចក់ទូរទស្សន៍ ។ ការបាត់មុខនោះមានគេលើកឡើងថា ដោយសារស៊ឹម ថៃណា មានអ្នកស្រលាញ់ហួងហែងមិនឲ្យចេញមុខរកប្រាក់ពីអាជីពសិល្បៈទៀតទេ ។ ផ្ទុយទៅវិញ ថៃណា អះអាងថា គ្មានអ្នកស្រលាញ់នាងទេ ហើយនាងនៅតែតាំងចិត្តប្រឡូកអាជីពសិល្បៈដូចមុន គ្រាន់តែពេលនេះ
រាជធានីភ្នំពេញ ៖ អស់ពេលជាយូរមកហើយដែល ស៊ឹម ថៃណា តារាដើមទ្រូងសិចស៊ី បាត់មុខពីកញ្ចក់ទូរទស្សន៍ ។ ការបាត់មុខនោះមានគេលើកឡើងថា ដោយសារស៊ឹម ថៃណា មានអ្នកស្រលាញ់ហួងហែងមិនឲ្យចេញមុខរកប្រាក់ពីអាជីពសិល្បៈទៀតទេ ។ ផ្ទុយទៅវិញ ថៃណា អះអាងថា គ្មានអ្នកស្រលាញ់នាងទេ ហើយនាងនៅតែតាំងចិត្តប្រឡូកអាជីពសិល្បៈដូចមុន គ្រាន់តែពេលនេះផ្អាកខ្លះមកពីឡើងទម្ងន់ពេក ។
គេកំពុងតែសង្ស័យថា តារាដើមទ្រូងសិចស៊ី ស៊ឹម ថៃណា មិនអើពើចំពោះអាជីពសិល្បៈ គឺអាចមានរឿងស្នេហាលាក់បាំងជាមួយអ្នកមានទ្រព្យធន ព្រោះជីវិតក្រៅសិល្បៈរបស់នាងមើលទៅកាន់តែមានភាពឡូយឆាយគួរឲ្យកត់សម្គាល់ ក្នុងពេលដែលនាងចាកឆ្ងាយពីវិថីសិល្បៈអស់ជាច្រើនខែទៅហើយនោះ ។ ថ្មីៗនេះថៃណា បានបង្ហាញមុខក្នុងកម្មវិធីជប់លៀងមិត្តរួមអាជីពដោយតែងកាយយ៉ាងស្រស់សោភា និងបង្ហាញសាច់ទ្រូងដូចមុនបង្អួតគេឯងឲ្យចាប់អារម្មណ៍ ។ គ្រានោះ អ្នកណាៗក៏ភ្លឹកងាកមកមើលថៃណា ដែរ រហូតតារាមួយចំនួនលើកឡើងថា នាងកាន់តែហ៊ឺហា ប្លែកទៅៗ ទោះអត់សូវចេញមុខក្នុងពិភពសិល្បៈក្តី ។ គេសង្ស័យថា នាងអាចជួបបុរសណាម្នាក់ផ្គាប់ទ្រព្យធនជាធ្នាក់ថ្ពក់បេះដូងនាងធ្វើឲ្យពិបាកវិលមករកអាជីពសិល្បៈវិញ ។
ផ្ទុយទៅវិញ តារាចម្រៀង ស៊ឹម ថៃណា បានបង្ហាញគោលជំហររឹងមាំថា នាងនៅតែងាករកអាជីពសិល្បៈវិញ គឺអត់លាឈប់ទេ តែមកពីនាងគិតថា ខ្លួនឯងឡើងគីឡូជ្រុលពេក ខ្លាចឡើងច្រៀងរាំទៅខ្មាសគេ ដូច្នេះហើយទើបចេះតែពន្យារពេលម្តងហើយម្តងទៀតអត់បានឡើងបង្ហាញមុខជាសាធារណៈ ។ នាងមិនបានឡើងបង្ហាញមុខតាមទូរទស្សន៍មែន តែនៅតែច្រៀងក្នុងកម្មវិធី ផ្សេងៗ មមាញឹកអត់បានឈប់ទេ ។ ច្រៀងក្រៅកញ្ចក់ទូរទស្សន៍មនុស្សមើលតែពីមុខឆាក ទោះនាងធាត់មែន តែអត់សូវខ្មាសគេ តែបើបង្ហាញតាមកញ្ចក់ទូរស្សន៍ នាងអត់ហ៊ានទេ។
ហេតុផលដែលថៃណា លើកឡើងនេះមិនទំនងសោះ ព្រោះបើគេមើលទៅលើរូបរាងនាង គឺ មិនធាត់ដល់ថ្នាក់សម្តែងមិនបានទេ គឺមើលទៅនៅតែស្អាត ។ អតីតតារាចម្រៀងប្រចាំផលិតកម្មអឹមនាងស៊ឹម ថៃណា និយាយការពារខ្លួនថា «អត់មានអ្នកណាតាមហួងហែងនាងខ្ញុំទេ គ្រាន់តែនាងខ្ញុំស្លៀកពាក់បែបឡូយឆាយមានពាក់របស់របរអីនោះមិនអាចកំណត់បានថា នាងខ្ញុំមានអ្នកស្រលាញ់ទេ ។ ពោលមកពីនាងខ្ញុំនៅតែយល់ថាមិនទាន់ដល់ពេលចង់បង្ហាញមុខ ចង់សម្រាកបន្តទៀតប៉ុណ្ណោះ» ។ ទាក់ទិនរឿងរៀបការ ថៃណា បញ្ជាក់ថា «ពេលនេះដូចជាអត់ដឹងថា ត្រូវរៀបការពេលណាឲ្យប្រាកដទេ បើអត់មានអ្នកណាមួយឲ្យនាងខ្ញុំពិចារណាយកជាគូអនាគតផងនោះ ។ ចិត្តនាងខ្ញុំ ក៏មិនទាន់ចង់ចូលរោងការនៅឡើយទេ» ៕
ចែករំលែកព័តមាននេះ