ខេត្តកំពង់ធំ ៖ ល្បែងកន្ទុយលេខកំពុងតែរីកដុះដាលដូចផ្សិតត្រូវទឹកសន្សើមក្នុងទឹកដីខេត្តកំពង់ធំ សង្ស័យទុកចិញ្ចឹមឆ្នាំបាយ បានធ្វើឲ្យប៉ះយ៉ាងខ្លាំងក្នុងការអនុវត្តន៍គោលនយោបាយភូមិឃុំមានសុវត្តិភាព ទាំង៩ចំណុច ដែលក្រសួងមហាផ្ទៃដាក់ឲ្យ ចំណែកលោកអធិការស្រុកនិង ស្នងការខេត្តកំពង់ធំសង្ងំលាក់ខ្លួនធ្វើមិនឃើញ។ល្បែងស៊ីសងលក់កន្ទុយលេខ ជាច្រើនកន្លែង ត្រូវបានគេកត់លក់ ដូចផ្សារលក់ត្រី ដោយគ្មានខ្លាចក្រែងរអែងច្បាប់អ្វីបន្តិចនោះទេ ដោយសារតែមានការឃុបឃិតពីមន្រ្តីប៉ុស្តិ៍រដ្ឋបាល ឃុំបល្ល័ង្គ និងលោកអធិការដ្ឋាននគរបាលស្រុកបារាយណ៍។
លោក នុត វណ្ណី ដែលជាមន្ត្រីនគរបាលទទួលផែនសន្តិសុខនៃអធិការដ្ឋានស្រុកបារាយណ៍ បែរជាប្រពន្ឋរបស់ខ្លួនគឺជាមេកន្ទុយលេខដ៏ធំនៅក្នុងភូមិ តាត្រាវ ឃុំបល្ល័ង្គ ស្រុកបារាយណ៍ ខេត្តកំពង់ធំទៅវិញ ទង្វើរទាំងនេះហាក់បីដូចជាផ្គើនចំពោះមុខច្បាប់ បើប្រពន្ធមន្ត្រីប៉ូលិសធ្វើដូច្នេះបាន ចុះចំណែកប្រជាពលរដ្ឋអាចជឿបានទេ បើគ្រាន់តែគ្រប់គ្រងតែប្រពន្ឋខ្លួនឯងមិនបានផងនោះ។ មន្រ្តីនគរបាលនៃអធិការដ្ឋាន ស្រុកបារាយណ៍ខាងលើប្រាប់ថា ប្រពន្ឋលោកបានលក់កន្ទុយលេខពិតមែនរូបគាត់បានឲ្យគេឈប់លក់ដែរ តែគេមិនព្រមឈប់។
លោ ហេង ឈុនហ៊ី មេប៉ុស្តិ៍បល្ល័ង្គថ្មី បានឲ្យដឹងថា កន្លងមកល្បែងស៊ីសងលោក ធ្លាប់បានហៅមក ធ្វើកិច្ចសន្យាម្តងហើយ តែនៅតែមិនរាងចាល នៅពេលដែលឃើញសមត្ថកិច្ចប៉ូលិសទៅ មេកន្ទុយលេខយកសៀវភៅលាក់ទុកក្នុងកាបូបបាត់ ចំណែកថា ប៉ុស្តិ៍ឃុបឃិតគ្នាជាមួយមេកន្ទុយលេខនោះ លោកមិនបានឃុបឃិតទេ។
គួរបញ្ជាក់ថា ឈ្មោះមេឆ្នោតនៅក្នុងផ្សាកំពង់ថ្ម កំពុងធ្វើសកម្មភាពលក់ ចាញ់ឈ្នះដើមទុនក្នុងមួយមេៗ ជាង១០ម៉ឺដុល្លារក្នុងមួយថ្ងៃ មានឈ្មោះ ឆាយ គឹម ភេទស្រី ផ្ទះអេង កា នៅផ្សារកំពង់ថ្ម លោក គុណ ប្រពន្ឋឈ្មោះ តឿ ផ្ទះអ្នកស្រី ចន្ថា ប្តីឈ្មោះ នី មន្ត្រីប៉ូលិស លោក ស្រ៊ី ផល និងផ្ទះមួយកន្លែងទៀតនៅផ្លូវវាងថ្មី ស្ថិតនៅភូមិទួលសង្កែ ឃុំកំពង់ថ្ម ស្រុកសន្ទុក ខេត្តកំពង់ធំ បនល្បែងទាំងនេះ ពុំត្រូវបានអធិការដ្ឋានគរ បាលស្រុកបារាយណ៍ ចេញធ្វើការបង្ក្រាបមេឆ្នោតទាំងនោះទេប្រហែលជាលោកមេប៉ុស្តិ៍ មេឃុំនិងលោកអភិបាលស្រុក បានទទួលសំណែនគ្រប់គ្នាអស់ហើយមើលទៅបានជាសង្ងំស្ងៀមយ៉ាងដូច្នេះ?
ប្រជាពលរដ្ឋបានសំណូមពរសូមឲ្យលោកឧត្តមសេនីយ៏ត្រី ជូ សំអាន ស្នងការដ្ឋាននគរបាលខេត្តកំពង់ធំដែលទើបតែនិងឡើងកាន់តំណែងថ្មីៗនេះ សូមអាណិតមេត្តាបញ្ជេញស្នារដៃបង្ក្រាបខ្លះហើយ ព្រោះតាំងពីលោកឡើងតំណែងថ្មីមក សកម្មភាពហាក់បីស្ងាត់ដូចចោរលួចសេះ មិនដូចជាការធ្វើការប្តេជ្ញាចិត្តរបស់លោកឧត្តមសេនីយ៍ត្រីនៅក្នុងថ្ងៃឡើងកាន់តំណែងថ្មីនោះសោះ។
ចែករំលែកព័តមាននេះ