រាជធានីភ្នំពេញ ៖ រថយន្តកាមរីបាឡែនមួយគ្រឿងបានបើកទៅបុកពីក្រោយរថយន្តអាតូស រុញទៅបុកម៉ូតូសង់កូរេចតចោលក្នុងផ្ទះ រួចរថយន្តកាមរីបាឡែនបានវេចង្កូតទៅបុកបង្គោលភ្លើងរងការខូចខាត ក្នុងហេតុការណ៍នេះកបណ្តាលឱ្យបុរសម្នាក់រងរបួសស្រាលផងដែរ ។ ហេតុការណ៍នេះកើតឡើងកាលពីវេលាម៉ោង
រាជធានីភ្នំពេញ ៖ រថយន្តកាមរីបាឡែនមួយគ្រឿងបានបើកទៅបុកពីក្រោយរថយន្តអាតូស រុញទៅបុកម៉ូតូសង់កូរេចតចោលក្នុងផ្ទះ រួចរថយន្តកាមរីបាឡែនបានវេចង្កូតទៅបុកបង្គោលភ្លើងរងការខូចខាតមួយកំណាត់មុខទាំងស្រុង នៅក្នុងហេតុការណ៍នេះក៏បណ្តាលឱ្យបុរសម្នាក់រងរបួសស្រាលផងដែរ ។ ហេតុការណ៍នេះកើតឡើងកាលពីវេលាម៉ោង១០និង៥៥នាទីយប់ថ្ងៃទី ២៤ កក្កដា២០១៤ នៅចំណុចសង្កាត់ផ្សារដេប៉ូ២ ខណ្ឌទួលគោក។
ប្រភពព័ត៌មានពីកន្លែងកើតហេតុបានឱ្យដឹងថានៅមុនពេលកើតហេតុគេឃើញរថយន្តកាមរីបាឡែនពណ៌ទឹកមាស ពាក់ស្លាកលេខភ្នំពេញ២Q-8001ជិះដោយមនុស្ស២នាក់ ធ្វើដំណើរតាមផ្លូវ១៣៨ ក្នុងទិសដៅពីត្បូងទៅជើង មកដល់ចំណុចកើតហេតុក៏បានទៅបុកជាមួយរថយន្តមួយគ្រឿងទៀតម៉ាក អាតូស ពណ៌ក្រហមពាក់ស្លាកភ្នំពេញ2T-1905បណ្តាលឱ្យរយន្តរុញទៅបុកនិងម៉ូតូសង់កូរេ ពាក់ស្លាកលេខគព-៣៣៣១ ចតចោលក្នុងផ្ទះនៅពេលនោះផងដែរ គេឃើញបុរសម្នាក់មកអូសម៉ូតូចេញ ក៏បានប៉ះដៃជាមួយរថយន្តបណ្តាលឱ្យរបួសដៃស្តាំស្រាល ហើយរថយន្តក៏បានវេចង្កូតទៅបុកបង្គោលភ្លើងបណ្តាលឱ្យរថយន្តខូចមួយកំណាត់មុខទាំស្រុងតែម្តង ។
ក្រោយពេលហេតុរថយន្តទាំងពីរគ្រឿងត្រូវបានសមត្ថយកិច្ច យកទៅរក្សាទុកនៅការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញ។
ចែករំលែកព័តមាននេះ