រាជធានីភ្នំពេញ ៖ បុរសម្នាក់កំពុងជិះម៉ូតូតាមផ្លូវត្រូវបុរសមិនស្គាល់អត្តសញ្ញាណ ២នាក់ស្ទាក់វាយរបួសបែកមុខបែកមាត់ព្រោះតែរឿងជិះម៉ូតូសម្លឹងមើលមុខគ្នា ។ ហេតុការណ៍នេះកើតឡើងកាលពីវេលាម៉ោង ៨ និង៥០នាទីយប់ ថ្ងៃទី ២៤ កក្កដា ២០១៤ នៅខាងកើតខារ៉ាអូរខេនគរសំរិទ្ធ ប្រមាណ១០០ម៉ែត្រ ស្ថិតតាម
រាជធានីភ្នំពេញ ៖ បុរសម្នាក់កំពុងជិះម៉ូតូតាមផ្លូវត្រូវបុរសមិនស្គាល់អត្តសញ្ញាណ ២នាក់ស្ទាក់វាយរបួសបែកមុខបែកមាត់ព្រោះតែរឿងជិះម៉ូតូសម្លឹងមើលមុខគ្នា ។ ហេតុការណ៍នេះកើតឡើងកាលពីវេលាម៉ោង ៨ និង៥០នាទីយប់ ថ្ងៃទី ២៤ កក្កដា ២០១៤ នៅខាងកើតខារ៉ាអូរខេនគរសំរិទ្ធ ប្រមាណ១០០ម៉ែត្រ ស្ថិតតាមបណ្តោយផ្លូវលេខ១៨២ ក្នុងសង្កាត់ទឹកល្អក់មួយ ខណ្ឌទួលគោក ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុបុរសរងគ្រោះបានជិះម៉ូតូវ៉េវ ពណ៌ខ្មៅមួយគ្រឿង ត្រឡប់មកពីផឹកស៊ីនៅផ្ទះមិត្តភក្តិម្តុំ សកលវិទ្យាល័យបញ្ញាជាតិ ដោយធ្វើដំណើរតាមផ្លូវ១៨២ ក្នុងទិសដៅពីកើតទៅលិច មកដល់ចំណុចកើតហេតុក៏មាន បុរសមិនស្គាល់អត្តសញ្ញាណ២នាក់ បានមកស្ទាក់ម៉ូតូជនរងគ្រោះ រួចវាយពីរបីដៃចំកណ្តាលមុខ ជនរងគ្រោះបណ្តាលឱ្យបែកមុខ បែកមាត់។ ពេលនោះបុរសរងគ្រោះសួរថា <<ម៉េច បានមកវាយខ្ញុំ>> ហើយជនបង្កបានឆ្លើយតបទៅវិញថា <<មកពីឯងសម្លឹងមុខអញពេក>> ។
គួរបញ្ជាក់ថានៅពេលវាយគ្នានោះ គេឃើញបុរសម្នាក់បានទៅជួយអន្តរាគមន៍ឱ្យជនបង្កឈប់វាយទៅលើជនរងគ្រោះ ហើយជនបង្កក៍បាននាំគ្នាឡើងជិះម៉ូតូគេចខ្លួនអស់បាត់ទៅ នៅសល់តែបុរសចូលទៅជួយអន្តរាគន៍ហើយក៏ត្រូវបុរសរងគ្រោះចោទថាជាបក្សពួកជនបង្កទៅវិញធ្វើឱ្យបុរសនោះហួសចិត្តជាខ្លាំង។ក្រោយពេលកើតហេតុគេឃើញសមត្ថកិច្ចបានពន្យល់និងធ្វើការសម្របសម្រួលដោយបញ្ជាក់ថា បុរសនោះគេចូលមកជួយមិនមែនជាបក្សពួកជនបង្កនោះទេ បន្ទាប់មកបុរសរងគ្រោះបានស្ងប់ចិត្តហើយក៏បែកគ្នាអស់ទៅ ។
ចែករំលែកព័តមាននេះ