រាជធានីភ្នំពេញ ៖ ចាត់ទុកថាជារឿងធ្វេសប្រហែសក៍អាចថាបាន ឬអាចថាជាការសម្បូរចោរក៍ថាបានដែលមានយុវជនម្នាក់ ស្រែកឆោរឡោរកអ្នកជិតខាងនិងសមត្ថកិច្ច ឲ្យជួយអន្តរាគមន៍ក្នុងស្ថានភាព ស្លន់ស្លោរបំផុត ព្រោះរឿងដែលកើតឡើងលើខ្លួនគេ គឺជារឿងដែលនឹកស្មានមិនដល់ ទាល់តែសោះ ។ដោយពេលនោះគេបាន ជិះម៉ូតូកញ្ចាស់១គ្រឿង ទៅដល់កន្លែងស្ងាត់បន្តិច ឈឺនោម គេក៍បានចុះនោម ដោយបានទុកម៉ូតូនោះ នៅក្បែរខ្លួនខាងក្រោយខ្នង ប៉ុន្តែធ្វេសប្រហែស មិនបានដកសោរចេញឡើយ ហើយក៍មិននឹកស្មានថា ត្រូវចោរលួចដែរ ។
នៅក្នុងខណៈ ពេលដែលរូបគេកំពុង ឈរនោមភ្លេចខ្លួនតែបន្តិចប៉ុណ្ណោះក៍ស្រាប់តែចោរទៅដល់ឃើញឱកាសល្អ សោនៅជាប់នឹងម៉ូតូ ក៍បានលួចយកជិះចេញទៅបាត់ដោយសុវត្ថិភាពតែម្ដងចំណែកយុវជននោះក្រោយពេលនោមរួច ក្រឡេកមើលម៉ូតូបាត់មិនឃើញ បានត្រឹមតែលាន់មាត់ថា អុញនរណាយកម៉ូតូខ្ញុំទៅបាត់និងបានស្រែកឆោរឡោ ឲ្យអ្នកជិតខាងនិងសមត្ថកិច្ច ជួយអន្តរាគមន៍រកម៉ូតូវិញ តែប៉ុណ្ណោះ។
ហេតុការណ៍ខាងលើនោះគួរឲ្យចាប់អារម្មណ៍ និងហួសចិត្តផងដែរ ដែលបានកើតឡើង កាលពីវេលាម៉ោង១០និង៣៥នាទីព្រឹក ថ្ងៃទី២៤ ខែកក្កដា ឆ្នាំ២០១៤ នៅតាមផ្លូវបេតុង កែងផ្លូវបឹងតាម៉ាត ស្ថិតក្នុងភូមិសំបួរ សង្កាត់ដង្កោ ខណ្ឌដង្កោ រាជធានីភ្នំពេញ ។ ជនរងគ្រោះម្នាក់នោះត្រូវបានគេស្គាល់ឈ្មោះ តាន់ រស្មី អាយុ២២ឆ្នាំ មុខរបររត់ម៉ូតូឌុប មានទីលំនៅក្នុងភូមិកើតហេតុខាងលើ ។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ