យោងតាមតុល្យការរបស់អាជ្ញាធរតៃវ៉ាន់ថា យន្ដហោះ១គ្រឿងរបស់ក្រុមហ៊ុនអាកាសចរណ៍ក្នុងស្រុកតៃវ៉ាន់ TRANSASIA បានធ្លាក់កាលពីថ្ងៃទី២៣ កក្កដា ពេលចុះនៅលើកោះមួយ ស្ថិតក្នុងដែនទឹកឆ្នេរសមុទ្រខាងលិចរបស់តៃវ៉ាន់ បណ្ដាលឱ្យមនុស្សស្លាប់៤៨នាក់ ។ កោះតៃវ៉ាន់ ចាប់តាំងពីព្រឹកថ្ងៃទី២៣ កក្កដា មករងការវាយប្រហារដោយភ្លៀងខ្លាំងនិងខ្យល់ខ្លាំងដោយសារព្យុះទីហ្វុងឈ្មោះម៉ាតម៉ូ MAT-MO ។
អាកាសចរណ៍ស៊ីវិលតៃវ៉ាន់បញ្ជាក់ថា យន្ដហោះធុន ATR-72 មានកៅអី៧០នោះបានធ្លាក់នៅជិតផ្លូវយន្ដហោះជាមួយអ្នកដំណើរជិះក្នុងនោះ៥៤នាក់ និងសមាជិកក្រុមយានិក៤នាក់ ។ មនុស្ស១០នាក់ត្រូវរបួសក្នុងគ្រោះថ្នាក់នោះត្រូវបានបញ្ជូនទៅមន្ទីរពេទ្យ ។ នាយិកានៃអាកាសចរណ៍ស៊ីវិលតៃវ៉ាន់ លោកស្រី JEAN SHEN អះអាងប្រាប់រ៉យទ័រថា មានការជ្រួលច្របល់នៅកន្លែងយន្ដហោះធ្លាក់ ។ ក្នុងសេចក្ដីប្រកាសមួយ ក្រសួងការបរទេសបារាំងគូសបញ្ជាក់ថា មានជនជាតិបារាំង២នាក់ស្ថិតក្នុងចំណោមជនរងគ្រោះដោយសារការធ្លាក់យន្ដហោះនេះ ។
គ្រោះថ្នាក់កើតមាននៅលើកោះមួយក្នុងចំណោមប្រជុំកោះ PENGHU ដែលគេស្គាល់ផងដែរក្រោមឈ្មោះថាប្រជុំកោះ PESCADO-RES ។ ក្រុមហ៊ុនអាកាសចរណ៍ TRANSASIA មានមូលដ្ឋាននៅតៃវ៉ាន់ មានយន្ដហោះ២៣គ្រឿង ភាគច្រើនជាយន្ដហោះ AIRBUS ។ ក្រុមហ៊ុននោះធានាជាពិសេសការហោះហើរក្នុងស្រុក ហើយមានការហោះហើរមួយចំនួនមកកាន់ប្រទេសជប៉ុន ថៃ កម្ពុជា ព្រមទាំងមកកាន់តំបន់អាស៊ី ។ យន្ដហោះតៃវ៉ាន់ធ្លាក់លើផ្ទះ2ខ្នងក្បែរព្រលានការធ្លាក់យន្ដហោះដឹកអ្នកដំណើរ១គ្រឿងរបស់តៃវ៉ាន់ ក្រោយការប៉ុនប៉ងចុះមិនបានសម្រេច ព្រោះធាតុអាកាសអាក្រក់ នាថ្ងៃទី២៤ កក្កដា សារព័ត៌មានបានចោទសួរពីការចចេសអនុញ្ញាតឱ្យមានការហោះហើររបស់យន្ដហោះនោះ ។
យន្ដហោះជើងហោះហើរ GE222 របស់ក្រុមហ៊ុនអាកាសចរណ៍តៃវ៉ាន់ TRANSASIA AIRLINES បានធ្លាក់លើផ្ទះ២ខ្នង ស្ថិតនៅជិតព្រលានយន្ដហោះ MAGONG ក្រោយពីការទាមទារការអនុញ្ញាតឱ្យមានការចុះជាលើកទី២។ មនុស្ស៥នាក់នៅលើដីបានត្រូវរបួស ។ យន្ដហោះនោះប្រហែលជាផ្ទុះពេលធ្លាក់ប៉ះដី ហើយវាឆេះពេលពួកអ្នកជួយសង្គ្រោះដំបូងបានទៅដល់កន្លែងធ្លាក់ ។ រូបភាពទាំងឡាយតាមទូរទស្សន៍បង្ហាញក្រុមអ្នកពន្លត់ភ្លើងប៉ុនប៉ងបាញ់ទឹកពន្លត់ភ្លើងឆេះយន្ដហោះដែលប្រើពេលជិត១ម៉ោង ទើបអាចពន្លត់បានទោះជាមានភ្លៀងធ្លាក់ក្ដី ។
យោងតាមអ្នកយកព័ត៌មានរបស់ AFP ម្នាក់នៅកន្លែងយន្ដហោះធ្លាក់ថា យន្ដហោះបានបាក់ជាច្រើនកង់ ហើយផ្ទះជាច្រើនប្រហែលរងការប៉ះពាល់ ។ ទាហាន និងអ្នកជួយសង្គ្រោះប្រមាណជា១០០នាក់នៅកន្លែងយន្ដហោះធ្លាក់។ យន្ដហោះនោះដែលហោះចេញពីទីក្រុង KAOHSIUNG នាវេលាម៉ោង១៧ម៉ោងក្នុងស្រុក ហើយត្រូវចុះនៅព្រលានយន្ដហោះ MAGONG ៣៥នាទី ក្រោយមានការយឺតយ៉ាវព្រោះអាកាសធាតុអាក្រក់ ។ កោះតៃវ៉ាន់នាថ្ងៃទី២៣ កក្កដា រងការវាយប្រហារដោយព្យុះទីហ្វុងឈ្មោះ ម៉ាតម៉ូ MATMO ដែលបណ្ដាលឱ្យមានភ្លៀងធ្លាក់និងខ្យល់ខ្លាំង ៕
ចែករំលែកព័តមាននេះ