ខេត្តបន្ទាយមានជ័យ ៖ បុរសម្នាក់បាត់ខ្លួនរយៈពេលបីថ្ងៃ ត្រូវគេប្រទះឃើញសពចង.កសំលាប់ខ្លួននៅលើចុងដើមអំពិលកំពស់ជាង៥ម៉ែត្រនៅក្រោយផ្ទះ ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១១ព្រឹក ថ្ងៃទី២៤ កក្កដា ២០១៤ ស្ថិតនៅភូមិរោងម៉ាស៊ីន សង្កាត់អូរអំបិល ក្រុងសិរីសោភ័ណ ។
បុរសដែលចង.កសំលាប់ខ្លួនមានឈ្មោះ ឡាក់ កុយ ភេទប្រុស អាយុ៣៤ឆ្នាំ (នៅលីវ) រស់នៅភូមិខាងលើ ។
តាមសំដីប្អូនស្រីជនរងគ្រោះបានប្រាប់ថា បងប្រុសរបស់នាងបានបាត់ពីផ្ទះរយៈពេល៣ថ្ងៃមកហើយមិនដឹងទៅណាទេ។ នៅថ្ងៃកើតហេតុនាងបានដើរទៅរកបេះបន្លែតាមរបងក្រោយផ្ទះស្រាប់តែប្រទះឃើញសពបងប្រុសរបស់នាងចង.កសម្លាប់ខ្លួននៅលើដើមអំពិលស្លាប់បាត់ទៅហើយ ហើយបានប្រាប់អ្នកជិតខាងរាយការណ៍ទៅនគបាលជំនាញមកពិនិត្យសព។
ប្អូនស្រីជនរងគ្រោះបានឱ្យដឹងទៀតថា បងប្រុសរបស់នាងមិនមានការងារអ្វីធ្វើទេ ដើរតែផឹកត្រូវបានពុកម្តាយស្តីបន្ទោសខ្លះដែរ តែបងប្រុសរបស់នាងក៏មិនដែលនិយាយតអ្វីដែរ។ នាពេលកន្លងមកបងប្រុសរបស់នាងតែងតែនិយាយតូចចិត្តខ្លួនឯងថា ធ្វើអ្វីមិនដែលបានសម្រេចសូម្បីតែប្រលងរកការងារធ្វើក៏មិនដែលជាប់ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ