រាជធានីភ្នំពេញ ៖ ដោយមានការណែនាំពីលោកប៉ា សុជាតិវង្ស អភិបាលរាជធានីភ្នំពេញ មន្ទីរសាធារណការ និងដឹកជញ្ជូនរាជធានីភ្នំពេញ បានសម្រេចបិទទ្វារទឹកនៅស្ថានីយបូមទឹកចតុមុខ និងស្ថានីយគីឡូម៉ែត្រលេខ៩ ឬស្ថានីយស្វាយប៉ាក ខណៈពេលកម្ពស់ទឹកទន្លេមេគង្គកំពុងចចាប់ផ្តើមឡើងជាបណ្តើរៗ គឺនៅស្ថានីយចតុមុខនេះ កម្ពស់ទឹកឡើងដល់៧,៥៣ម៉ែត្រ កាលពីព្រឹកថ្ងៃទី២៤
រាជធានីភ្នំពេញ ៖ ដោយមានការណែនាំពីលោកប៉ា សុជាតិវង្ស អភិបាលរាជធានីភ្នំពេញ មន្ទីរសាធារណការ និងដឹកជញ្ជូនរាជធានីភ្នំពេញ បានសម្រេចបិទទ្វារទឹកនៅស្ថានីយបូមទឹកចតុមុខ និងស្ថានីយគីឡូម៉ែត្រលេខ៩ ឬស្ថានីយស្វាយប៉ាក ខណៈពេលកម្ពស់ទឹកទន្លេមេគង្គកំពុងចចាប់ផ្តើមឡើងជាបណ្តើរៗ គឺនៅស្ថានីយចតុមុខនេះ កម្ពស់ទឹកឡើងដល់៧,៥៣ម៉ែត្រ កាលពីព្រឹកថ្ងៃទី២៤ កក្កដា ២០១៤ ។
មន្ត្រីមន្ទីរសាធារណការ និងដឹកជញ្ជូនរាជធានីភ្នំពេញបានឱ្យដឹងថា នៅពេលកម្ពស់ទឹកឡើងដល់៧,៥៥ម៉ែត្រ ទៅ៨ម៉ែត្រ ស្ថានីយបូមទឹកនៅតាមមាត់ទន្លេទាំងអស់ នឹងត្រូវបិទទាំងស្រុង ចៀសវាងទឹកទន្លេហូរចូលមកក្នុងរាជធានីភ្នំពេញតាមប្រពន្ធ័លូមកវិញ ។ ដោយឡែកស្ថានីយបូមទឹកគីឡូម៉ែត្រលេខ៩ បានបិទរួចហើយ កាលពីថ្ងៃទី២៣ កក្កដា ២០១៤ កន្លងទៅ នៅពេលកម្ពស់ទឹកកើនឡើង៦,៣០ម៉ែត្រ ។ នៅពេលស្ថានីយបូមទឹកទាំងអស់ក្នុងរាជធានីភ្នំពេញត្រូវបិទទឹកក្នុងទីក្រុងតម្រូវឱ្យមានការបូមចេញជាប្រចាំ ពិសេសេនៅពេលមានភ្លៀងធ្លាក់ខ្លាំង ។
មន្ត្រីដដែលបានឱ្យដឹងទៀតថា មកដល់ពេលនេះ កម្ពស់ទឹកទន្លេចតុមុខ គឺស្ថិតនៅកំពស់៧,៥៣ម៉ែត្រ តែបើសិនឡើងដល់កម្ពស់៧,៥៥ម៉ែត្រ ទ្វារទឹកដែលស្ថិតនៅតាមដងទន្លេនឹងត្រូវបិទតែម្តង។ ហើយទ្វារទឹកដែលនៅតាមជួរមាត់ទន្លេទាំងអស់មានចំនួន១១ទ្វារទឹក ហើយនៅពេលនេះ សាលារាជធានីបិទបាន២ហើយ គឺទ្វារទឹកស្វាយប៉ាក និងចតុមុខ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ