ការវាយប្រហារអត្តឃាតពីរបណ្តាលឱ្យមនុស្សស្លា.ប់៨២នាក់ កាលពីថ្ងៃទី២៣ កក្កដា នៅទីក្រុងកាឌូណា ជាទីក្រុងមួយស្ថិតនៅភាគខាងជើងនីហ្សេរីយ៉ា ជាកន្លែងដែលមេដឹកនាំប្រឆាំង និងជាអតីតប្រធានាធិបតីលោកមូហាម៉ាឌូ ប៊ូហារី ទៅកាន់ទីនោះ ។សមាជិកកាកបាទក្រហមម្នាក់និយាយថា មនុស្សយ៉ាងតិច៥០នាក់ស្លា.ប់ដោយសារការវាយប្រហារលើក្បួនរថយន្តរបស់លោកប៊ូហា
ការវាយប្រហារអត្តឃាតពីរបណ្តាលឱ្យមនុស្សស្លាប់៨២នាក់ កាលពីថ្ងៃទី២៣ កក្កដា នៅទីក្រុងកាឌូណា ជាទីក្រុងមួយស្ថិតនៅភាគខាងជើងនីហ្សេរីយ៉ា ជាកន្លែងដែលមេដឹកនាំប្រឆាំង និងជាអតីតប្រធានាធិបតីលោកមូហាម៉ាឌូ ប៊ូហារី ទៅកាន់ទីនោះ ។សមាជិកកាកបាទក្រហមម្នាក់និយាយថា មនុស្សយ៉ាងតិច៥០នាក់ស្លាប់ដោយសារការវាយប្រហារលើក្បួនរថយន្តរបស់លោកប៊ូហារី ក្នុងផ្សារមួយនៃទីក្រុងនោះ ។ ជនអត្តឃាតម្នាក់បានបើករថយន្តផ្ទុកគ្រឿងផ្ទុះរបស់គេប្រឆាំងក្បួនរថយន្តរបស់មេដឹកនាំប្រឆាំងនីហ្សេរីយ៉ារូបនោះ ។
ជាគូប្រជែងសំខាន់របស់ប្រធានាធិបតី លោក GOODLUCK JONATHAN ក្នុងការបោះឆ្នោតប្រធានាធិបតីកាលពីឆ្នាំ២០០១ លោកប៊ូហារី ជិះក្នុងរថយន្តការពារគ្រាប់មួយ ដោយលោកពុំរងគ្រោះឡើយ ។មុននេះជនអត្តឃាតម្នាក់ទៀតបានធ្វើឱ្យគ្រឿងផ្ទុះដាក់ជាប់ខ្លួនគេផ្ទុះក្នុងកណ្តាលវិថីមួយ ពេលពួកអ្នកកាន់សាសនាអ៊ិស្លាមជាច្រើនពាន់នាក់ប្រមូលផ្តុំគ្នានៅឯទីលានមួយនៃទីក្រុងកាឌូណានោះដែរ ដើម្បីស្តាប់សេចក្តីថ្លែងការណ៍របស់អុីម៉ាមនិយមកណ្តាលម្នាក់ លោក DAHIRU BAUCHI ។ គ្រាប់បែកបានផ្ទុះពេលក្បួនរថយន្តរបស់អីុម៉ាមរូបនេះបើកចេញពីទីលានបណ្តាលឱ្យមនុស្សស្លាប់យ៉ាងតិច៣២នាក់ តែអុីម៉ាមគេចផុតពីគ្រោះថ្នាក់ ។
ការវាយប្រហារទាំងពីរនោះពុំទាន់មានក្រុមណាប្រកាសទទួលខុសត្រូវនៅឡើយ តែគេសង្ស័យថា ទាំងនេះជាស្នាដៃរបស់ក្រុមជ្រុលនិយមបូកូហារ៉ាម ។អភិបាលក្រុងកាឌូណាបានដាក់បម្រាមគោចរពេញ២៤ម៉ោង ។អង្គការសិទ្ធិមនុស្ស HUMAN RIGHTS WATCH កាលពីសប្តាហ៍មុនវាយតម្លៃថា ជនស៊ីវិលជាង២.០០០នាក់ត្រូវសម្លាប់ដោយក្រុមបូកូហារ៉ាមរយៈពេល៦ខែដើមឆ្នាំនេះ ៕
ចែករំលែកព័តមាននេះ