ខេត្តសៀមរាប ៖ ជនសង្ស័យចំនួន៥នាក់ ត្រូវកម្លាំងកងរាជអាវុធហត្ថប្រឆាំងគ្រឿងញៀនខេត្ត ធ្វើការចុះបង្កា្របចាប់បាន ខណៈពួកគេកំពុងជូញដូរ និងប្រើប្រាស់គ្រឿងញៀន កាលពីវេលាម៉ោង១០យប់ថ្ងៃទី២៣ កក្កដា ២០១៤ ស្ថិតនៅចំណុចភូមិចុងកៅស៊ូ សង្កាត់ស្លក្រាម ក្រុងសៀមរាប ។
ប្រភពបានឱ្យដឹងថា ជនសង្ស័យទាំង៥នាក់នោះ ១-ឈ្មោះថាន មករា អាយុ២៣ឆ្នាំ ជាជាងជុសជុលទូរស័ព្ទដៃ និងជាមុខសញ្ញាចាស់ធ្លាប់ជាប់គុកម្តងហើយ មានទីលំក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ២-ឈ្មោះធឹម ថូ អាយុ២៣ឆ្នាំ ជាអ្នកបើក រថយន្តដឹកដី បច្ចុប្បន្នស្នាក់នៅភូមិស្វាយព្រៃ សង្កាត់ស្វាយដង្គំ ក្រុងសៀមរាប ៣-ឈ្មោះនួន ចិត្រា អាយុ២៧ឆ្នាំ ជាជាងជុសជុលទូរស័ព្ទដៃ ទីលំនៅក្នុងភូមិតាភុល សង្កាត់ស្វាយដង្គំ ក្រុងសៀមរាប ៤-ឈ្មោះភាព ស៊ីណា អាយុ២១ឆ្នាំមុខរបរមិនពិតប្រាកដ ស្នាក់នៅភូមិដកពោធិ៍ សង្កាត់ស្លក្រាម និង៥-ឈ្មោះសំ ណាងរដ្ឋន័យ អាយុ២៤ឆ្នាំ ជាអ្នករត់ម៉ូតូឧុបទីលំនៅក្នុងភូមិតាវៀន សង្កាត់សាលាកំរើក ក្រុងសៀមរាប ។
ប្រភពបន្តថា ក្នុងពេលឃាត់ខ្លួននោះ កម្លាំងធ្វើការដកហូតវត្ថុតាងមានម្សៅគ្រើមពណ៌សថ្លា ម៉ាទឹកកក(មេតំហ្វេតាមីន) ចំនួន៧កញ្ចប់តូច និង៤កញ្ចប់ធំ ទូរស័ព្ទដៃ២គ្រឿង, ម៉ូតូ៤គ្រឿង ក្នុងនោះម៉ូតូសេ១២៥២គ្រឿង២០០៧មួយគ្រឿង ស្លាកលេខសៀមរាប 1E2913 ពណ៌ខ្មៅ និង២០១២ ពណ៌ខ្មៅ ពាក់ស្លាកលេខភ្នំពេញ 1AD6009 និងម៉ូតូស្មាស ពាក់ស្លាកលេខសៀមរាប1M0980 និងម៉ូតូស្គូពីពណ៌ស លាយក្រហម ពាក់ស្លាកលេខសៀមរាប1L5516 និងស្លាកលេខទុកសម្រាប់ប្តូរមួយលេខ ថ1365 ភ្នំពេញ1ព្រមទាំងមានអត្តសញ្ញាណប័ណ្ណសម្គាល់ខ្លួនមួយសន្លឹក សម្ភារសម្រាប់ច្រកលក់ និងឧបករណជក់មួយចំនួនធំផងដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ