កោះសន្តិភាពសូមណែនាំប្រិយមិត្តអ្នកអាន ពីព្រៃស្រស់ប្រណីតចំនួន១០ក្នុងពិភពលោក ។
១-ព្រៃឫស្សី Sagano
ព្រៃឫស្សី Sagano ស្ថិតក្នុងតំបន់ Arashiyama ភាគខាងលិចទីក្រុងតូក្យូប្រទេសជប៉ុន ។ ព្រៃនេះគ្រប់ដណ្តប់ដោយឫស្សីដែលតម្រៀបគ្នាជាជួរយ៉ាងមានសោភ័ណភាព លើផ្ទៃដីប្រមាណ៦គីឡូម៉ែត្រការ៉េ ។
កោះសន្តិភាពសូមណែនាំប្រិយមិត្តអ្នកអាន ពីព្រៃស្រស់ប្រណីតចំនួន១០ក្នុងពិភពលោក ។
១-ព្រៃឫស្សី Sagano
ព្រៃឫស្សី Sagano ស្ថិតក្នុងតំបន់ Arashiyama ភាគខាងលិចទីក្រុងតូក្យូប្រទេសជប៉ុន ។ ព្រៃនេះគ្រប់ដណ្តប់ដោយឫស្សីដែលតម្រៀបគ្នាជាជួរយ៉ាងមានសោភ័ណភាព លើផ្ទៃដីប្រមាណ៦គីឡូម៉ែត្រការ៉េ ។
ព្រៃឫស្សីនោះជារមណីយដ្ឋានមានវ័យចំណាស់ជាងគេរបស់ប្រទេសជប៉ុន ។
២-ព្រៃ Beech
ព្រៃ Beech ស្ថិតក្នុងប្រទេសអាល្លឺម៉ង់ គ្របដណ្តប់ដោយដើមឈើ ខ្ពស់ៗគ្រប់ប្រភេទ ។
អង្គការយូណេស្កូ បានសម្រេចដាក់តំបន់ព្រៃស្រោងនោះ ជាសម្បត្តិវប្បធម៌ពិភពលោកតាមរយៈសោភ័ណភាពដ៏ស្រស់ស្អាត ។
៣-ព្រៃ Jiuzhaigou Valley
ព្រៃ Jiuzhaigou Valley ស្ថិតនៅក្បែរជ្រលងភ្នំជាំងស៊ូ ខេត្តស៊ីឈាន់ ប្រទេសចិន មានដើមឈើដុះស្អេកស្កះជាច្រើនប្រភេទ អំណោយផលដល់សត្វរស់នៅ ។ ពីមួយរដូវទៅមួយរដូវ ព្រៃនោះរំលេចដោយពណ៌យ៉ាងស្រស់ស្អាតតាមរយៈស្លឹករបស់រុក្ខជាតិ ។
ព្រៃ Jiuzhaigou Valley ត្រូវអង្គការយូណេស្កូ ចាត់ចូលជាសម្បត្តិវប្បធម៌់ពិភពលោក ។
៤-ព្រៃខ្មៅ
ជនជាតិរ៉ូមុាំងជំនាន់ដើម បានដាក់ឈ្មោះព្រៃខ្មៅ ដោយសារតែព្រៃនោះសម្បូរដោយដើមឈើខ្មៅច្រើនស្អេកស្កះ ពន្លឺព្រះអាទិត្យមិនអាចឆ្លងចូលបានទេ ។ ព្រៃនោះស្ថិតលើផ្ទៃដីប្រមាណជា ៦.០០៩ គីឡូម៉ែត្រការ៉េ ។
អ្នកនៅតំបន់នោះហៅព្រៃខ្មៅថា ជាព្រៃវង្វេងដោយសារភាពសាំញុាំរបស់វា ។
៥-ព្រៃ Daintree Rainforest
ព្រៃ Daintree Rainforest ស្ថិតក្នុងប្រទេសអូស្ត្រាលី លើផ្ទៃដីប្រមាណ ១២.០០០ គីឡូម៉ែត្រការ៉េ ។
ព្រៃផ្ទុកទឹកភ្លៀងនោះ បានក្លាយជាតំបន់រស់នៅរបស់សត្វគ្រប់ប្រភេទដែលពឹងផ្អែកលើរុក្ខជាតិតូច-ធំយ៉ាងច្រើន ។
៦-ព្រៃ Hoia-Baciu
ព្រៃ Hoia-Baciu នៅប្រទេសរ៉ូម៉ានី លាតសន្ធឹងលើផ្ទៃដីប្រមាណ២៥០ហិកតា ។
Hoia-Baciu ជាព្រៃក្រាស់ដែលសម្បូរទៅដោយដើមឈើ ធំៗ ហើយអ្នករស់នៅតំបន់នោះហៅថា ជាព្រៃបំបាំងកាយ ព្រោះអ្នកដែលចូលទៅមិនអាចរកផ្លូវចេញក្រៅវិញបានទេ ពោលគឺហាក់ដូចជាចូលទៅក្នុងពិភពមួយផ្សេងទៀត ។
៧-ព្រៃ Crooked Forest
ព្រៃ Crooked Forest ស្ថិតនៅភាគខាងលិចប្រទេសប៉ូឡូញ សម្បូរដោយដើមស្រល់ដែលមានរាងកោងប្រមាណ៤០០ដើម ។ ព្រៃនោះជាកន្លែងហ្វូងសត្វស្លាបរស់នៅ ។
៨-ព្រៃ Sequoia
ព្រៃ Sequoia ស្ថិតនៅភាគខាងត្បូងភ្នំ Sierra Nevada រដ្ឋកាលីហ្វ៊័រនីញ៉ា សហរដ្ឋអាមេរិក លាតសន្ធឹងលើផ្ទៃដីប្រមាណ ៤.៨២៩ គីឡូម៉ែត្រការ៉េ ។
Sequoia ជាព្រៃដែលមានវ័យចំណាស់ជាងគេលើពិភពលោក ដោយអ្នកអភិរក្សព្រៃឈើបានសិក្សាលើដើមឈើមួយប្រភេទឱ្យឈ្មោះថា General Sherman ។
៩-ព្រៃអាម៉ាហ្សូន
អាម៉ាហ្សូន ជាព្រៃដែលផ្ទុកទឹកភ្លៀងធំជាងគេបំផុតក្នុងពិភពលោក ស្ថិតក្នុងប្រទេសអាហ្រ្វិកខាងត្បូងលាតសន្ធឹងលើផ្ទៃដីប្រមាណជា ៥.៥០០គីឡូម៉ែត្រការ៉េ ។ ព្រៃនោះសម្បូរទៅដោយធនធានធម្មជាតិ ជាពិសេសហ្វូងសត្វព្រៃ៕
១០-ព្រៃក្រហម
ព្រៃក្រហម ស្ថិតក្នុងប្រទេសអ៊ុយក្រែន លាតសន្ធឹងលើផ្ទៃដីប្រមាណ១០គីឡូម៉ែត្រការ៉េ ។
ព្រៃនោះរងការបំផ្លាញយ៉ាងខ្លាំងក្នុងសង្រ្គាមលោកលើកទី២ ព្រោះជាសមរភូមិដែលគេប្រើប្រាស់អាវុធប្រល័យលោក ។ ដោយហេតុនេះហើយ ទើបដីតំបន់នោះប្រែសារជាតិ ធ្វើឱ្យរុក្ខជាតិមានពណ៌ក្រហម ៕
ចែករំលែកព័តមាននេះ