តាមបណ្ដាញសារព័ត៌មានបរទេសផ្សាយថា ការលក់រថយន្តប្រើម៉ាស៊ីនម៉ាស៊ូត និងរថយន្តប្រភេទ SUV មានការកើនឡើង២៥%នៅក្នុងអំឡុងពេល៦ខែដើមឆ្នាំ២០១៤ ខណៈដែលទីផ្សាររថយន្តនៅទូទាំងសហរដ្ឋអាមេរិកទាំងមូលកើនឡើងត្រឹមតែ៤,២%ប៉ុណ្ណោះ ។
រថយន្តប្រើម៉ាស៊ូតបានបង្ហាញឱ្យឃើញពីការហក់ឡើងខ្ពស់កាលពីខែមេសាកន្លងមកនេះជាមួយនឹងការកើនឡើងប្រមាណជា៦០,៤% ក្នុងការលក់បើប្រៀបធៀបទៅនឹងខែមេសាឆ្នាំ២០១៣ ។ នៅអំឡុងឆមាសទី១ឆ្នាំ២០១៤ ការលក់រថយន្តប្រើម៉ាស៊ីនម៉ាស៊ូតបានកើនឡើងជាបន្តបន្ទាប់នៅខែនីមួយៗខណៈដែលមានការភ្ញាក់ផ្អើលជាមួយនឹងការលក់រថយន្តប្រើម៉ាស៊ីនកូនកាត់(Hybrid) បែរជាធ្លាក់ចុះជារៀងរាល់ខែលើកលែងតែខែឧសភា ។
ទោះជាយ៉ាងណាក៏ដោយ ការលក់រថយន្ត Hybrid កាលពីខែកុម្ភៈ ដើមឆ្នាំនេះបើប្រៀបធៀបទៅនឹងអំឡុងពេលដូចគ្នាកាលពីឆ្នាំ២០១៣ គឺមានអត្រាតិចជាងមុន២៣,៩%។ នេះបញ្ជាក់ឱ្យឃើញថា នៅក្នុងទីផ្សារសហរដ្ឋអាមេរិកអតិថិជនជ្រើសរើសយករថយន្តប្រើម៉ាស៊ូតច្រើនជាង ។ យោងតាមទិន្នន័យក្រុមហ៊ុន Polk បានបង្ហាញថា បច្ចុប្បន្នមានរថយន្តប្រើម៉ាស៊ីនម៉ាស៊ូតសរុបចំនួន៧លានគ្រឿងដែលបានចុះបញ្ជីនៅសហរដ្ឋអាមេរិក ៕
ចែករំលែកព័តមាននេះ