រាជធានីភ្នំពេញ ៖ ប៉ូលិសអន្តរាគមន៍ខណ្ឌទួលគោកម្នាក់ ស្រវឹងធ្លាក់ភ្នែកបានបើកម៉ូតូទៅបុករទេះសំរាមដែលទុកប្រមូលសំរាមនៅលើផ្លូវ បណ្តាលឱ្យបាក់ជើងម្ខាង ខាងស្តាំ ។ ហេតុការណ៍នេះកើតឡើងកាលពីវេលាម៉ោង ១២ និង១០នាទីរំលងអាធ្រាត្រ ឈានចូលថ្ងៃទី ២៤ កក្កដា ២០១៤ នៅចំណុចមុខផ្សារអារូណា តាមផ្លូវកម្ពុជាក្រោម ស្ថិតនៅក្នុងសង្កាត់ទឹកល្អក់ទី១ ខណ្ឌទួលគោក ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរសជាប៉ូលិសអន្តរាគមន៍ខណ្ឌទួលគោកម្នាក់ បានជិះម៉ូតូវីវ៉ាមួយគ្រឿង ក្នុងស្ថានភាពស្រវឹងធ្កាក់ភ្នែកបានធ្វើដំណើរយ៉ាងលឿនតាមផ្លូវកម្ពុជាក្រោម ក្នុងទិសដៅ ពីកើតទៅលិច មកដល់ចំណុចកើតហេតុក៏បានជ្រុលទៅបុករទេះប្រមូលសំរាមដែលគេទុកចោលនៅផ្លូវ បណ្តាលឱ្យបុរសខាងលើបាក់ជើងខាស្តាំ។
ក្រោយពេលកើតហេតុ បុរសរងគ្រោះត្រូវរថយន្តសាមុយដឹកយកទៅសង្រ្គោះនៅមន្ទីរពេទ្យ ចំណែកម៉ូតូត្រូវបានក្រុមគ្រួសារដឹកយកទៅផ្ទះទុកយកទៅជួសជុល ។
ចែករំលែកព័តមាននេះ