ខេត្តឧត្តរមានជ័យ ៖ នាព្រឹកថ្ងៃទី២២ កក្កដា ២០១៤ លោកស ថាវី អភិបាលខេត្តឧត្តរមានជ័យបានដឹកនាំមន្រ្តីគ្រប់ស្ថាប័នកងកម្លាំងប្រដាប់អាវុធទាំង៣ភេទចុះធ្វើការត្រួតពិនិត្យលើតំបន់ហាមឃាត់ជម្រកសត្វព្រៃគូលេនព្រម្មទេពស្ថិតនៅតំបន់ព្រៃស្អាកក្នុងភូមិអូរតាមេង ឃុំអន្លង់វែង ស្រុកអន្លង់វែង ខេត្តឧត្តរមានជ័យដែលប្រជាពលរដ្ឋរស់នៅទីនោះជាង១០០គ្រួសារកន្លងទៅនេះ ។
មន្រ្តីដែលបម្រើការងារក្នុងខេត្តមួយរូបបានឲ្យកោះសន្តិភាពដឹងថាប្រជាពលដែលនាំគ្នាចូលមករស់នៅជាជំហានដំបូង គឺពួកគាត់បានចាញ់បោកមន្រ្តីបរិស្ថានការពារដែនជម្រកសត្វព្រៃគូលេនព្រម្មទេពដែលមានស្នាក់ការនៅទីនោះបានញុះញ៉ង់ឲ្យពួកគាត់ទិញដីក្នុងមួយប្លង់ទទឹង២០គុណ១០០ម៉ែត្រតម្លៃមួយពាន់ទៅមួយពាន់ប្រាំរយដុល្លារអាមេរិក ។ ការរស់នៅរបស់ពួកគាត់បន្ទាប់មកស្រាប់តែនៅក្នុងអំឡុងឆ្នាំ២០១០រហូតមកទល់ឆ្នាំ២០១៣មានដីការពីតុលាកាខេត្តសៀមរាប់បញ្ជាឲ្យអាជ្ញាធរមូលដ្ឋាននឹងកងកម្លាំងប្រដាប់អាវុធគ្រប់ប្រភេទចុះមកដេញជាញឹកញាប់ដោយប្រើប្រាស់នូវអំពើហិង្សានឹងដុតរោងចោលនឹងឈានទៅដល់ចាប់ខ្លួនមួយចំនួនបញ្ជូនខ្លួនដាក់ក្នុងពន្ធធនាគារផងដែរ ។
មន្ត្រីដដែលបានបញ្ចាក់ថាដែនជម្រកសត្វព្រៃគូលេនព្រម្មទេពដែលលាតសន្ធឹងតាមបណ្តោយជួរភ្នំដងរ៉ែករាប់ម៉ឺនហិកតាសម្បូរទៅដោយសត្វព្រៃគ្រប់ប្រភេទជាច្រើនជ្រកកោននៅក្នុងតំបន់ព្រៃស្អាកបើចូលទៅក្នុងព្រៃងើយមើលមេឃមិនឃើញគឺសម្បូដើមឈើធំៗតែបច្ចុប្បន្ននេះប្រជាពលរដ្ឋបានដាក់នាមថាតំបន់ព្រៃស្អាតទៅវិញដោយសារតែមានក្រុមហ៊ុនជាច្រើនដែលមានអាជ្ញាប័ណ្ណកាត់ឈើធំៗមានអាយុកាលរាប់រយរាប់ពាន់ឆ្នាំពុះជ្រៀកដឹកជញ្ជូនទៅលក់នឹងធ្វើការឈួសឆាយខ្ទេចខ្ទីគ្មានសល់់។
ចែករំលែកព័តមាននេះ