ខេត្តសៀមរាប ៖ នៅពេលថ្មីៗនេះក្រុមអ្នកនិយមលេងបណ្តាញសង្គមហ្វេសប៊ុក បានសម្តែងនូវការរិះគន់ខ្លាំងៗទៅលើផ្ទាំងចង្អុលទិសទៅកាន់ឧទ្យានអង្គរយ៉ាងតិចចំនួន៣ផ្ទាំង ដែលបានដាក់នៅតាមកន្លែងសំខាន់ៗផ្សេងៗគ្នាថា សរសេរខុសអក្ខរាវិរុទ្ធ ។
ការរិះគន់ភាគច្រើនបានសំដៅវាយប្រហារទៅលើអាជ្ញាធរខេត្តសៀមរាប និងអាជ្ញាធរអប្សរា ដែលជាអ្នកគ្រប់គ្រងរមណីយដ្ឋានអង្គរតែម្តង ។
រយៈពេល២ថ្ងៃជាប់ៗគ្នាចុងក្រោយនេះគេមិនអាចស្វែងជួបអគ្គនាយកអាជ្ញាធរអប្សរា លោកប៊ុន ណារិទ្ធិ ដែលគ្រប់គ្រងរមណីយដ្ឋានអង្គរ ដើម្បីសុំការពន្យល់ពីវិធានការដោះស្រាយចំពោះមុខជុំវិញកំហុសទាំងនោះបានទេ ដោយទូរស័ព្ទរបស់លោកហៅចូល តែគ្មានអ្នកទទួល ។
ជុំវិញបញ្ហានេះ មន្រ្តីអាជ្ញាធរអប្សរាមួយរូបបានឲ្យដឹងថា ផ្ទាំងចង្អុលទិសទាំងនោះមិនមែនអាជ្ញាធរអប្សរាជាអ្នកធ្វើទេ ហើយពេលនេះថ្នាក់លើរបស់ខ្លួនកំពុងតែស្វះស្វែងរកអ្នកទទួលខុសត្រូវឲ្យមានការកែតម្រូវជាបន្ទាន់ឡើងវិញ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ