ខេត្តកំពង់ចាម ៖ ទឹកទន្លេមេគង្គជារៀងរាល់ឆ្នាំតែងតែជន់លិចផ្ទះសម្បែងរបស់ប្រជាពលរដ្ឋនៅតាមជួរដងទន្លេមេគង្គ ព្រមទាំងបានធ្វើឲ្យខូចខាតនូវហេដ្ឋារចនាសម្ព័ន្ធនានា ដូចជាសាលារៀន ផ្លូវថ្នល់ជាដើម និងបណ្តាលឲ្យស្លា.ប់មនុស្សជាច្រើននាក់ផងដែរ ។
ខេត្តកំពង់ចាម ៖ ទឹកទន្លេមេគង្គជារៀងរាល់ឆ្នាំតែងតែជន់លិចផ្ទះសម្បែងរបស់ប្រជាពលរដ្ឋនៅតាមជួរដងទន្លេមេគង្គ ព្រមទាំងបានធ្វើឲ្យខូចខាតនូវហេដ្ឋារចនាសម្ព័ន្ធនានា ដូចជាសាលារៀន ផ្លូវថ្នល់ជាដើម និងបណ្តាលឲ្យស្លាប់មនុស្សជាច្រើននាក់ផងដែរ ។
ដោយឡែកនៅខេត្តកំពង់ចាម ថ្ងៃទី២៣ កក្កដា ២០១៤ ទឹកទន្លេមេគង្គមានកំពស់១២,៤៧ម៉ែត្រ ខណៈដែលចំណុចប្រកាសអាសន្នគឺ១៥,២០ម៉ែត្រ។ទោះជាបែបណាក្តី អាជ្ញាធរបានណែនាំឲ្យប្រជាពលរដ្ឋត្រូវមានការប្រុងប្រយ័ត្នខ្ពស់ផងដែរ ។
លោក ចាន់ ផល្លី អភិបាលក្រុងកំពង់ចាមបានថ្លែងថា សំរាប់កំពស់ទឹកទន្លេមេគង្គនៅថ្ងៃទី២៣ កក្កដា នេះបានហក់ឡើងខ្ពស់ជាងថ្ងៃទី២២ កក្កដា ចំនួន៦តឹកឯណោះ ។ កត្តាបែបនេះត្រូវបានលោក លន់ លឹមថៃ អភិបាលខេត្ត ប្រកាសឲ្យយកចិត្តទុកដាក់ត្រៀមលក្ខណៈ ក្នុងការទប់ទឹកទន្លេកុំឲ្យជន់លិចចូលក្នុងក្រុងកំពង់ចាម ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ