ហាណូយ ៖ មន្ទីរកសិកម្ម និងអភិវឌ្ឍន៍ជនបទខេត្តខ្ពង់រាបភាគកណ្តាលវៀតណាម បានឱ្យដឹងថា តម្លៃម្រេចខ្មៅនៅទីផ្សារក្នុងស្រុក Chuse ខេត្ត Gia lai បានហក់ទ្បើង៨,៥៥ដុល្លារ ក្នុងមួយគីទ្បូក្រាមកើនទ្បើង០,២៣ដុល្លារធៀបនឹងអំទ្បុងពេលមុន ។ ផលិតផលកសិកម្មមួយនេះ ត្រូវបានដាក់លក់ក្នុងតម្លៃ៨,៧ដុល្លារក្នុងមួយគីទ្បូក្រាម នៅក្នុងខេត្ត Binh Phuoc ភាគខាងត្បូងប្រទេស ។ មកទល់នឹងពេលនេះ វាគឺជាតម្លៃខ្ពស់ជាងគេបំផុតដែលនាំឱ្យកសិករទទួលបានកម្រៃច្រើន ។ តម្លៃម្រេចខ្មៅកើនទ្បើងនៅក្នុងខេត្តខ្ពស់រាបភាគកណ្តាល ដោយសារតែពុំមានម្រេចច្រើននៅក្នុងឃ្លាំងស្តុករបស់កសិករ ។
តាមការព្យាករទិន្នផលម្រេចរបស់វៀតណាមទំនងជានឹងសម្រេចបាន១៣០.០០០តោន ហើយផលិតផលនេះអាចនឹងមានតម្លៃ១ពាន់លានដុល្លារធៀបនឹងចំណូលនៃការនាំចេញផលិតផលកសិកម្មរបស់ប្រទេស ជាមួយនឹងបរិមាណសរុប១៥០.០០០តោន ។ ប្រសិនបើការប៉ាន់ប្រមាណនេះ ក្លាយជាការពិតឆ្នាំ២០១៤នេះ នឹងក្លាយជាឆ្នាំឈានមុខគេនៃវិស័យឧស្សាហកម្មម្រេចនៅក្នុងប្រទេសវៀតណាមជាមួយនឹងប្រាក់ចំណូលខ្ពស់បំផុត ៕
ចែករំលែកព័តមាននេះ