រាជធានីភ្នំពេញ ៖ រដ្ឋមន្រ្តីក្រសួងបរិស្ថាន លោក សាយ សំអាល់ បានមានប្រសាសន៍ថា តាមការអញ្ជើញរបស់សមាជិករដ្ឋសភា លោកនិងសហការីបានត្រៀមខ្លួនរួចរាល់ហើយដើម្បីទៅឆ្លើយបំភ្លឺនៅរដ្ឋសភាទាក់ទងទៅនឹងបញ្ហាបរិស្ថាននៅថ្ងៃទី០៧ សីហា ២០១៤ ។
រាជធានីភ្នំពេញ ៖ រដ្ឋមន្រ្តីក្រសួងបរិស្ថាន លោក សាយ សំអាល់ បានមានប្រសាសន៍ថា តាមការអញ្ជើញរបស់សមាជិករដ្ឋសភា លោកនិងសហការីបានត្រៀមខ្លួនរួចរាល់ហើយដើម្បីទៅឆ្លើយបំភ្លឺនៅរដ្ឋសភាទាក់ទងទៅនឹងបញ្ហាបរិស្ថាននៅថ្ងៃទី០៧ សីហា ២០១៤ ។
លោករដ្ឋមន្រ្តីបរិស្ថានថ្លែងបែបនេះ បានធ្វើឡើងនៅព្រឹកថ្ងៃទី២៣ កក្កដា ២០១៤ នាសណ្ឋាគារសូហ្វីតែល ក្នុងសន្និសីទកាសែតស្តីពីការងារគ្រប់គ្រងបរិស្ថាននៅកម្ពុជា ។
គួរបញ្ជាក់ថា កាលពីពេលថ្មីៗនេះ សមាជិកសភាមកពីគណបក្សប្រជាជនកម្ពុជា លោក ឈាង វុន និងជាប្រធានគណៈកម្មការ កិច្ចការបរទេស និងកិច្ចសហប្រតិបត្តិការអន្តរជាតិ ព័ត៌មាន ឃោសនាការនៃរដ្ឋសភាជាតិ បានមានប្រសាសន៏កាលពីសបា្តហ៏មុនថា រដ្ឋសភាជាតិបានកោះហៅរដ្ឋមន្ត្រីចំនួន ០៣រូប មកសួរដេញដោលក្នុងសភា នៅដើមខែសីហា ខាងមុខនេះ។
បើតាមលោក ឈាង វុន រដ្ឋមន្ត្រីក្រសួងចំនួន០៣ នោះរួមមាន៖ លោក សាយ សំអាល់ រដ្ឋមន្ត្រីក្រសួងបរិស្ថាន , លោក អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និង លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម ហើយថាការកោះហៅរដ្ឋមន្ត្រី ០៣ក្រសួងមកសួរដេញដោលក្នុងសភា គឺជាការសួរដេញដោល អំពីសកម្មភាពរបស់គាត់ក្នុងការដឹកនាំស្ថាប័នរដ្ឋទាំងបី ក្នុងគោលបំណងការពារផលប្រយោជន៍ប្រជាពលរដ្ឋ ៕
ចែករំលែកព័តមាននេះ