ខេត្តព្រះវិហារ ៖ ក្រោយពីការបណ្តុះបណ្តាលជំនាញគមនាគមន៍ រយៈពេល១ឆ្នាំ របស់ក្រសួងសាធារណការ និងដឹកជញ្ជូន ដល់មន្រ្តីនៃមន្ទីរសាធារណការ និងដឹកជញ្ជូនខេត្ត ទូទាំង២៤ខេត្ត ក្រុងក្នុងប្រទេសកម្ពុជា បានចុះធ្វើការអនុវត្ត និងសិក្សាបន្ថែមជាក់ស្តែងពីរបៀបជួសជុល ថែទាំ សាងសង់ ផ្លូវ ស្ពាន និងប្រព័ន្ធលូ ប្រឡាយទឹក នៅតាមបណ្តាខេត្តជុំវិញបឹងទន្លេសាប ។
ខេត្តព្រះវិហារ ៖ ក្រោយពីការបណ្តុះបណ្តាលជំនាញគមនាគមន៍ រយៈពេល១ឆ្នាំ របស់ក្រសួងសាធារណការ និងដឹកជញ្ជូនដល់មន្រ្តីនៃមន្ទីរសាធារណការ និងដឹកជញ្ជូនខេត្ត ទូទាំង២៤ខេត្ត ក្រុងក្នុងប្រទេសកម្ពុជា បានចុះធ្វើការអនុវត្ត និងសិក្សាបន្ថែមជាក់ស្តែងពីរបៀបជួសជុល ថែទាំ សាងសង់ ផ្លូវ ស្ពាន និងប្រព័ន្ធលូ ប្រឡាយទឹក នៅតាមបណ្តាខេត្តជុំវិញបឹងទន្លេសាប ។
លោក សំ លាងទ្រី ប្រធានមន្ទីរសាធារណការខេត្តព្រះវិហារ នៅរសៀលថ្ងៃទី២២ កក្កដានេះ បានឲ្យដឹងថា ការចុះកម្មសិក្សារបស់សិក្ខាកាមនាពេលនេះ គឺគោលបំណង ដើម្បីឲ្យយល់កាន់តែច្បាស់ លើមុខជំនាញគមនាគមន៍ ដូចជា របៀបចាក់លូខ្នាតធំ របៀបជួសជុលផ្លូវខូតខាត ស្ពាន ថ្នល់ ដើម្បីយកចំណេះដឹងទាំងអស់ ទៅបំពេញភារកិច្ច អភិវឌ្ឈន៍ប្រទេសជាតិ ឲ្យកាន់តែមានភាពរីកចម្រើន និងជឿនលឿន ផ្នែកវិស័យគមនាគមន៍បន្តទៅមុខទៀត ។
លោកប្រធានមន្ទីរក៏បានធ្វើការពន្យល់នៅក្នុងការដ្ឋានជាក់ស្តែងពីរបៀបចាក់លូខ្នាតធំ និងធ្វើការត្រួតពិនិត្យផ្លូវជាតិដែលខូចខាត និងរបៀបជួសជុលផ្លូវដល់សិក្ខាកាមទាំងអស់បានយល់ច្បាស់ផងដែរ ។ សូមបញ្ជាក់ផងដែរ ការចុះធ្វើការអនុវត្ត និងសិក្សាបន្ថែម ជាក់ស្តែងពីរបៀបជួសជុល ថែទាំ សាងសង់ ផ្លូវ ស្ពាន និងប្រព័ន្ធលូ ប្រឡាយទឹក នៅតាមបណ្តាខេត្តជុំវិញបឹងទន្លេសាបនាពេលនោះដឹកនាំដោយលោក មាស ម៉ូនីកា អនុរដ្ឋលេខាធិការក្រសួងសាធារណការ និងដឹកជញ្ជូន និងលោក គឹម សាន់ ប្រធាននាយកដ្ឋានបុគ្គលិក និងធនធានមនុស្ស ព្រមទាំងសិក្ខាកាមចំនួន១២០នាក់ ដែលមកពីគ្រប់បណ្តាខេត្តក្នុងប្រទេសកម្ពុជាផងដែរ ៕
ចែករំលែកព័តមាននេះ