រាជធានីភ្នំពេញ ៖ ថ្ងៃទី២៣ កក្កដា ២០១៤ ក្រុមហ៊ុន Huawei ដែលជាក្រុមហ៊ុនផ្តល់ដំណោះស្រាយ ផ្នែកព័ត៌មានវិទ្យា និងបច្ចេកវិទ្យាទូរគមនាគមន៍ (ICT) ដ៏ឈានមុខគេ ក្រុមហ៊ុនស្មាតហ្វូនដ៏ធំទី៣លើពិភពលោក បានសហការជាមួយស្ថានទូតចិន និង ក្រសួងប្រៃសណីយ៍ និងទូរគមនាគមន៍កម្ពុជា ដើម្បីរៀបចំ «កិច្ចប្រជុំស្តីពីនិន្នាការអភិវឌ្ឍន៍ថ្មី វិស័យបច្ចេកវិទ្យា ព័ត៌មានវិទ្យា និងសារគមនាគមន៍ (ICT) កម្ពុជា ឆ្នាំ២០១៤ » ។
នៅក្នុងព្រឹត្តិការណ៍ដ៏សំខាន់នេះ នៅសណ្ឋាគារសូហ្វីតែលក្នុងរាជធានីភ្នំពេញ ក្រុមហ៊ុន Huawei បានធ្វើការចែករំលែកនិន្នាការ ឱកាស និងបញ្ហាប្រឈមមួយចំនួនក្នុងវិស័យឧស្សាហកម្ម បច្ចេកវិទ្យា ព័ត៌មានវិទ្យា (ICT) ដោយបានបង្ហាញថា បច្ចេកវិទ្យាអាចធ្វើឱ្យវិស័យទូរគមនាគមន៍ និងជីវិតរបស់អ្នកប្រើប្រាស់នៅកម្ពុជា មានភាពល្អប្រសើរឡើងនៅក្នុងពេលអនាគតដ៏ខ្លីនេះ ។
ក្រោមប្រធានបទ «កិច្ចប្រជុំស្តីពីនិន្នាការអភិវឌ្ឍន៍ថ្មី បច្ចេកវិទ្យា ព័ត៌មានវិទ្យា និងសារគមនាគមន៍ (ICT) កម្ពុជា ឆ្នាំ២០១៤» ប្រតិបត្តិការកម្ពុជាទាំងអស់ រួមមានលោកកាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍កម្ពុជា និងលោក Song Xiaoguo ទីប្រឹក្សាសេដ្ឋកិច្ច និងពាណិជ្ជកម្មនៃស្ថានទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា បានចែករំលែកទស្សនៈ និងពិភាក្សាយ៉ាងស៊ីជម្រៅលើការរំពឹងទុកនូវការពង្រីក និងធ្វើពាណិជ្ជកម្ម ក្នុងប្រទេសកម្ពុជា ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ