ខេត្តប៉ៃលិន៖ លោក មិន ឃិន រដ្ឋមន្ត្រីក្រសួងធម្មការ និងសាសនា និងលោកស្រី ងួន ធួន ទីប្រឹក្សារាជរដ្ឋាភិបាលកម្ពុជា បានអញ្ជើញជាអធិបតីក្នុងពិធីប្រកាសទទួលស្គាល់សាខា អនុសាខា សមាគមអាចារ្យខ្មែរខេត្តប៉ៃលិន ដែលពិធីនេះប្រារព្ធកាលពីថ្ងៃទី២២ កក្កដា ២០១៤ នៅសាលាខេត្តប៉ៃលិន។
ខេត្តប៉ៃលិន៖ លោក មិន ឃិន រដ្ឋមន្ត្រីក្រសួងធម្មការ និងសាសនា និងលោកស្រី ងួន ធួន ទីប្រឹក្សារាជរដ្ឋាភិបាលកម្ពុជា បានអញ្ជើញជាអធិបតីក្នុងពិធីប្រកាសទទួលស្គាល់សាខា អនុសាខា សមាគមអាចារ្យខ្មែរខេត្តប៉ៃលិន ដែលពិធីនេះប្រារព្ធកាលពីថ្ងៃទី២២ កក្កដា ២០១៤ នៅសាលាខេត្តប៉ៃលិន។
លោក មិន ឃិន បានមានប្រសាសន៍ថា ការប្រកាសទទួលស្គាល់សាខា អនុសាខាសមាគមអាចារ្យខ្មែរ នេះឡើង គឺ ពិតជាបានចូលរួមចំណែកលើកស្ទួយវប្បធម៌ប្រពៃណីពីបុរាណដើម្បីតម្កល់ទុកជាប្រយោជន៍សម្រាប់អ្នកជំនាន់ក្រោយឲ្យយល់ដឹង និងស្គាល់ពីមរតកតម្លៃវប្បធម៌រស់ដែលពិភពលោកកំពុងកោតស្ងប់ស្ងែងពីទំនៀមទម្លាប់ប្រពៃណីដ៏ល្អផូរផង់របស់កម្ពុជាយើង និងបានរួមចំណែកកសាងកិត្យានុភាពរបស់ខេត្តប៉ៃលិនទាំងមូលឲ្យ កាន់តែមានកិត្តិយស និងកេរ្តិ៍ឈ្មោះខ្ពង់ខ្ពស់ទូលំទូលាយថែមទៀតប្រកបដោយមោទនភាព។
លោក មិន ឃិន មានប្រសាសន៍លើកឡើងទៀតថា សមាគមនេះមានគោលបំណងចងសម្ព័ន្ធភាពជាសហគមន៍អាចារ្យដើម្បីឲ្យអាចារ្យ អាចារិនីបានផ្លាស់ប្តូរមតិយោបល់ និងចែករំលែកចំណេះដឹង ព្រមទាំងក្តាប់យក នូវសំណូមពរនានារបស់ប្រជាពលរដ្ឋមកបំភ្លឺនិងរៀបចំឡើងដើម្បីភាពងាយស្រួលដល់អាចារ្យ អាចារិនីទាំងអស់ អាចរឹតចំណងសាមគ្គីភាព និងភាតរភាពរវាងគ្នា និងគ្នាឲ្យកាន់តែប្រសើរឡើងជួយអប់រំអាចារ្យទូទៅឲ្យយល់ដឹងពីអត្ថន័យក្រមសីលធម៌អាចារ្យ និងបានចូលរួមផងដែរនូវការអភិរក្ស និងអភិវឌ្ឍវប្បធម៌ប្រពៃណីទំនៀមទម្លាប់ដើម្បីលើកកម្ពស់គុណធម៌ សីលធម៌ចរិយាធម៌ សុជីវធម៌ និងខ្លឹមសារព្រះធម៌ ពិធីបុណ្យទាន ទម្រង់អាពាហ៍ពិពាហ៍ និងពិធីកម្មផ្សេងៗក្នុងព្រះពុទ្ធសាសនា។
ការបង្កើតសមាគមអាចារ្យខ្មែរនេះឡើង គឺមិនត្រឹមតែជាប្រយោជន៍សម្រាប់តែអាចារ្យ អាចារិនីប៉ុណ្ណោះទេ ប៉ុនែ្តវាក៏ជាមោទនភាពរបស់សង្គមជាតិទាំងមូលផងដែរដោយយើងបានប្រមូល និងចងក្រងអាចារ្យ អាចារិនីដែលមានចំណេះដឹងត្រឹមត្រូវតាមក្បួនច្បាប់ពីបុរាណសម្រាប់ចូលរួមចំណែក និងជម្រុញដំណើរការអភិវឌ្ឍន៍សង្គមដោយរក្សាបាននូវវប្បធម៌ដ៏ល្អផូរផង់ និងអត្តសញ្ញាណជាតិរបស់យើងផងដែរ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ