រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញ កាលពីព្រឹកថ្ងៃទី២២ កក្កដា បានអនុញ្ញាតឱ្យអនុរក្សពន្ធនាគារព្រៃស នាំខ្លួនទណ្ឌិតឈ្មោះហង្ស វុទ្ធី ហៅយមរាជ មកសាកសួរពាក់ព័ន្ធនឹងសំណុំរឿងហែកគុករត់ ។ ក្រោយពីការសាកសួររួចក៏បាននាំទៅកាន់ពន្ធនាគារវិញជាទីកន្លែងដែលទណ្ឌិតរូបនេះ ត្រូវអនុវត្តទោសក្នុងគុកចំនួនជិត៥០ឆ្នាំ ។
រាជធានីភ្នំពេញ ៖ ចៅក្រមសាលាដំបូងរាជធានីភ្នំពេញ កាលពីព្រឹកថ្ងៃទី២២ កក្កដា បានអនុញ្ញាតឱ្យអនុរក្សពន្ធនាគារព្រៃស នាំខ្លួនទណ្ឌិតឈ្មោះហង្ស វុទ្ធី ហៅយមរាជ មកសាកសួរពាក់ព័ន្ធនឹងសំណុំរឿងហែកគុករត់ ។ ក្រោយពីការសាកសួររួចក៏បាននាំទៅកាន់ពន្ធនាគារវិញជាទីកន្លែងដែលទណ្ឌិតរូបនេះ ត្រូវអនុវត្តទោសក្នុងគុកចំនួនជិត៥០ឆ្នាំ ។
ប្រភពព័ត៌មានបានឱ្យដឹងថា មូលហេតុចៅក្រមសើុបសួរឱ្យនាំខ្លួនទណ្ឌិតយមរាជមកសាកសួរ ដោយយោងទៅលើពាក្យបណ្តឹងរបស់ឈ្មោះ ហង្ស វុទ្ធី នេះដែលប្តឹងទាស់លើការកាត់ក្តីកំបាំងមុខក្នុងសំណុំរឿងហែកគុករត់ កាលពីប៉ុន្មានឆ្នាំកន្លងទៅនេះ ។ ទណ្ឌិតហង្ស វុទ្ធី ហៅយមរាជ ត្រូវបានសមត្ថកិច្ចចាប់ខ្លួនក្នុងអំទ្បុងឆ្នាំ២០០៥ ពាក់ព័ន្ធនឹងបទល្មើសឧក្រិដ្ឋជាច្រើនដូចជា ករណីបាញ់សម្លាប់លោក សុខ សេដ្ឋាមុន្នី ចៅក្រមសាលាដំបូងរាជធានីភ្នំពេញ បាញ់ប្រធានអគ្គិសនីចាក់អង្រែក្រោម ប៉ុនប៉ងធ្វើឃាតលោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ប៉ុនប៉ងលើអាយុជីវិតលោក អ៊ុក សាវុធ អគ្គព្រះរាជអាជ្ញាសាលាឧទ្ធរណ៍ រួមជាមួយសំណុំរឿងលោកឧកញ៉ា ថុង អ៊ុយប៉ាង អភិបាលសារព័ត៌មានកោះសន្តិភាព ដែលកាលណោះ ជននេះបានធ្វើសកម្មភាពក្រោមបញ្ជារបស់ទណ្ឌិតហេង
ពៅ ។
សំណុំរឿងទាំងអស់នេះ ត្រូវបានសាលាដំបូងរាជធានីភ្នំពេញលើកយកមកកាត់ទោសរួចអស់ហើយ ដែលទណ្ឌិតហង្ស វុទ្ធី ហៅយមរាជ ជាប់គុកសរុបជិត៥០ឆ្នាំ ។ គួរបញ្ជាក់ថា នៅក្នុងដំណាក់កាលឃុំខ្លួនមិនបានប៉ុន្មានផងនោះ ជនឈ្មោះហង្ស វុទ្ធី ហៅយមរាជ និងគូកន បានលួចកាត់ចម្រឹងបង្អួចពន្ធនាគារ ផ្លោះរបងរត់គេចខ្លួន ដែលកាលណោះល្បីថា មានរថយន្ត១គ្រឿងទៅចាំទទួលយកពួកគេទាំងយប់ទៀតផង ។ ក្រោយពីរត់
គេចខ្លួន សាលាដំបូងបានធ្វើការចោទប្រកាន់ទណ្ឌិតយមរាជ១ករណីទៀត គឺបទល្មើសបំផ្លិចបំផ្លាញទ្រព្យសម្បត្តិសាធារណៈ ដោយបានលើកយកសំណុំរឿងនេះ បើកសវនាការផ្តន្ទាទោសលើឈ្មោះ ហង្ស វុទ្ធី ហៅយមរាជ បន្ថែមការជាប់គុក២ឆ្នាំទៀត ដែលសាលក្រមនោះ បានធ្វើទ្បើងកំបាំងមុខជនជាប់ចោទ ។
ការផ្តន្ទាទោសកំបាំងមុខលើសំណុំរឿងនេះ បានធ្វើឱ្យទណ្ឌិតយមរាជកើតទុក្ខមិនសុខចិត្ត ហើយក៏ដាក់ពាក្យប្តឹងទាស់នៅពេលដែលរូបគេបានចេញមុខសារភាពវិលចូលក្នុងពន្ធនាគារវិញ បន្ទាប់ពីគេចខ្លួនអស់រយៈពេលជាច្រើនឆ្នាំ ៕
ចែករំលែកព័តមាននេះ