រាជធានីភ្នំពេញ ៖ បុរសម្នាក់ស្រវឹងស្រាធ្លាក់ភ្នែកបានបើករថយន្តកាមរីឆ្លាមមួយគ្រឿងទៅបុករឺុម៉កម៉ូតូបណ្តាលឱ្យក្រឡាប់ប៉ះជើងឡើងលើ ហើយរថយន្តព្យាយាមបើកគេចខ្លួនក៏បានរេចង្កូតទៅបុកររះរនាំងដែកពុះចែកទ្រូងផ្លូវបាក់អស់ចំនួន១០ផ្ទាំង រួចរថយន្តបានបន្ថែមល្បឿនបើកគេចខ្លួនបន្តទៀតដោយនាំទៅជាមួយ
រាជធានីភ្នំពេញ ៖ បុរសម្នាក់ស្រវឹងស្រាធ្លាក់ភ្នែកបានបើករថយន្តកាមរីឆ្លាមមួយគ្រឿងទៅបុករឺុម៉កម៉ូតូបណ្តាលឱ្យក្រឡាប់ប៉ះជើងឡើងលើ ហើយរថយន្តព្យាយាមបើកគេចខ្លួនក៏បានរេចង្កូតទៅបុកររះរនាំងដែកពុះចែកទ្រូងផ្លូវបាក់អស់ចំនួន១០ផ្ទាំង រួចរថយន្តបានបន្ថែមល្បឿនបើកគេចខ្លួនបន្តទៀតដោយនាំទៅជាមួយនឹងរនាំងដែកចំនួន៤ផ្ទាំងជាប់ពីក្រោមរថយន្ត ។ហេតុការណ៍នេះកើតឡើងកាលពីវេលាម៉ោង ១១ និង៥០នាទី យប់ថ្ងៃទី ២២ កក្កដា ២០១៤ នៅចំណុចមុខផ្សារទឹកថ្លា សង្កាត់ទឹកថ្លា ខណ្ឌសែនសុខ ។
បុរសបើករថយន្តបង្ក មានឈ្មោះ ដាម ប៊ុនថុង អាយុ៣២ឆ្នាំ រស់នៅភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ ។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញរថយន្តកាមរីឆ្លាមមួយគ្រឿង ពណ៌ទឹកប្រាក់ ពាក់ស្លាកលេខភ្នំពេញ 2F-5597 បើកដោយបុរសម្នាក់ស្រវឹងស្រាជោគជាំ ដោយធ្វើដំណើរយ៉ាងលឿនតាមផ្លូវ សហព័ន្ធរុស្ស៊ី ក្នុងទិសដៅ ពីកើតទៅលិច មកដល់ចំណុចកើតហេតុក៏បានទៅបុកជាមួយរឺុម៉កម៉ូតូមួយគ្រឿង ពាក់ស្លាកលេខភ្នំពេញ 1D-6764 បណ្តាលឱ្យរឺុម៉កម៉ូតូក្រឡាប់ប៉ះជើងឡើងលើ ចំណែកអ្នកបើករឺុម៉កម៉ូតូរងរបួសស្រាល ។ បន្ទាប់មករថយន្តបានព្យាយាមបើករត់គេច ក៏បានជ្រុលចង្កូតទៅបុករះរនាំងដែកពុះចែកទ្រូងផ្លូវបាក់អស់ចំនួន១០ផ្ទាំង ហើយរថយន្តមិនបានឈប់ទេ គឺបានបន្ថែមល្បឿនបើករត់គេចបន្តទៀតដោយនាំទៅជាមួយនូវរនាំងដែកចំនួន៤ផ្ទាំងពីក្រោមរថយន្ត ។រថយន្តបានបើករត់គេចចាប់តាំងពីកន្លែង កើតហេតុមកដល់មុខសាលាយ៉ាម៉ាឌីកូ ក៏បានឈប់ទាញរនាំងដែកចេញពីក្រោមរថយន្ត ហើយបើកចូលទៅក្នុងទីតាំងកាកបាទក្រហមបាត់ទៅ រួចបុរសបើករថយន្តបង្កបានដើរចេញមកក្រៅវិញ។
ក្រោយពេលកើតហេតុសមត្ថកិច្ចបានត្រឹមតែនាំខ្លួនបុរសបើករថយន្តបង្ក យកទៅសូរនាំនៅការិយាល័យចរាចរនៃអធិការដ្ឋាននគរបាលរាជធានីភ្នំពេញចំណែករឿងរថយន្តរងចាំដោះស្រាយគ្នានៅព្រឹកស្អែក។
ចែករំលែកព័តមាននេះ