រាជធានីភ្នំពេញ ៖ កម្មការនីរោងចក្រម្នាក់ត្រូវបានស្រ្តីអ្នកលក់នំយកកាំបិតជិតបន្លែ ភ្ជង់បំពង់.ក ប្លន់យកគ្រឿងអលង្កការ ប៉ុន្តែមិនសម្រេចទេ ដោយសារមានការប្រតាយប្រតប់គ្នា រហូតមានការភ្ញាក់ផ្អើលដល់ប្រជាពលរដ្ឋនៅជិតខាងចេញមកអន្តរាគមន៍ចាប់ស្រ្តីសង្ស័យប្រគល់ឱ្យសមត្ថកិច្ចចាត់ការតាមផ្លូវច្បាប់ ។ ហេតុ
រាជធានីភ្នំពេញ ៖ កម្មការនីរោងចក្រម្នាក់ត្រូវបានស្រ្តីអ្នកលក់នំយកកាំបិតចិតបន្លែ ភ្ជង់បំពង់.ក ប្លន់យកគ្រឿងអលង្កការ ប៉ុន្តែមិនសម្រេចទេ ដោយសារមានការប្រតាយប្រតប់គ្នា រហូតមានការភ្ញាក់ផ្អើលដល់ប្រជាពលរដ្ឋនៅជិតខាងចេញមកអន្តរាគមន៍ចាប់ស្រ្តីសង្ស័យប្រគល់ឱ្យសមត្ថកិច្ចចាត់ការតាមផ្លូវច្បាប់ ។ ហេតុការណ៍នេះកើតឡើងកាលពីវេលា ម៉ោង៥ និង០៥នាទីល្ងាច ថ្ងៃទី ២២ កក្កដា ២០១៤ នៅបន្ទប់ផ្ទះជួល ស្ថិតក្នុងភូមិថ្មគោល សង្កាត់ចោមចៅ ខណ្ឌពោធិ៍សែន។
ស្រ្តីសង្ស័យមានឈ្មោះ ហុន លីដា អាយុ៣៤ឆ្នាំ មុខរបរលក់នំ ក្នុងផ្សារត្រពាំងថ្លឹង មានស្រុកកំណើតនៅខេត្តបាត់ដំបង និងជួលផ្ទះស្នាក់នៅភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។ចំណែកនារីរងគ្រោះមានឈ្មោះ ស្រីនី អាយុ២៤ឆ្នាំ ជាកម្មការនីរោងចក្រ មានស្រុកកំណើតនៅក្នុងភូមិត្រពាំងសោម ឃុំត្រពាំងសំណាង ស្រុកត្រាំកក់ ខេត្តតាកែវ និងមកស្នាក់នៅបន្ទប់ជួលនៅកន្លែងកើតហេតុខាងលើ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ ស្រ្តីសង្ស័យបានពួនសម្ងំក្បែរបន្ទប់ជួល នារីរងគ្រោះ ហើយពេលនារីរងគ្រោះចេញពីធ្វើការរោងចក្រ ដើរត្រឡប់មកដល់ផ្ទះវិញ ស្រាប់តែស្រ្តីសង្ស័យបានស្ទុះទៅឱបពីក្រោយនារីរងគ្រោះ ដោយបានយកកាំបិតចិតបន្លែ ភ្ជង់បំពង់.កនារីរងគ្រោះ ពេលនោះនារីរងគ្រោះបានធ្វើការប្រតាយប្រតប់គ្នាជាមួយស្រ្តីសង្ស័យ បណ្តាលឱ្យរបួសបំពង់.ក ហើយនារីរងគ្រោះបានស្រែកឱ្យអ្នកជិតខាងជួយ បង្កការភ្ញាក់ផ្អើលដល់ប្រជាពលរដ្ឋក្បែរខាងចេញមកជួយអន្តរាគមន៍ចាប់ស្រ្តីសង្ស័យខាងលើ យកទៅប្រគល់ឱ្យប៉ូលិសប៉ុស្តិ៍នគរបាលរដ្ឋបាលចោមចៅចាត់ការតាមនិតិវិធីច្បាប់ ។
ចែករំលែកព័តមាននេះ