ខេត្តព្រះសីហនុ ៖ មន្រ្តីរាជការ និងប្រជាពលរដ្ឋនៅក្នុងខេត្តព្រះសីហនុ ដោយសុំមិនបញ្ចេញឈ្មោះបានប្រាប់ឱ្យដឹងថា សព្វថ្ងៃនេះចាប់តាំងពីមានការផ្លាស់ប្តូរផ្ទេរភារកិច្ចនៅអធិការដ្ឋាននគរបាលក្រុងព្រះសីហនុអស់រយៈពេលប្រមាណជិត២ឆ្នាំ កន្លងផុតទៅដោយមានការផ្លាស់ប្តូរលោកវរៈសេនីយ៍ទោ ម៉ាន់ តួ អតីតអធិការដ្ឋាននគរបាលក្រុងព្រះសីហនុ ឱ្យទៅទទួលភារកិច្ចថ្មីជា ប្រធានការិយាល័យនគរបាលទេសចរណ៍ និងតែងតាំងលោកវរៈសេនីយ៍ត្រី ភុល ភស្តារ អតីតមានឋានន្តរសក្តិ ជាអនុសេនីយ៍ឯក ជានាយនគរបាលប៉ុស្តិ៍រដ្ឋបាល ឃុំកំពេញ ស្រុកស្ទឹងហាវ ខេត្តព្រះសីហនុ មកជានគរបាលក្រុងព្រះសីហនុ ។
ប្រជាពលរដ្ឋខាងលើបានឱ្យដឹងទៀតថាការអនុវត្តន៍ ការដឹកនាំរបស់លោកវរៈសេនីយ៍ត្រី ភុល ភស្តារ ក្នុងការអនុវត្តន៍ភូមិ-សង្កាត់ មានសុវត្តិភាពបានធ្លាក់ចុះយ៉ាងគំហុក ។ ប្រភពខាងលើបានបន្ថែមថា ករណីល្បែងស៊ីសងបានកើតឡើងគ្រប់ភេទមានជាអាថ៌ ល្បែងភ្នាល់បាល់ បៀអាប៉ោង កន្ទុយលេខ ខ្លាឃ្លោក ល្បែងភ្នាល់កីឡាប្រដាល់ និងល្បែងបញ្ជល់មាន់ ។ល ។ ដែលកំពុងដំណើរការយ៉ាងរលូន ដូចជា ភូមិថ្មីសង្កាត់៣ ផ្សារចិនក្នុងសង្កាត់៤ ក្រុងព្រះសីហនុ គេមិនដែលឃើញលោកវរៈសេនីយ៍ត្រី ភុល ភស្តារ ដឹកនាំកម្លាំងនៅអធិការដ្ឋានចុះទៅបង្រ្កាបម្តងណាឡើយ គេឃើញតែនគរបាលជាអ្នកជំនិត បក្សពួករបស់លោក ភុល ភស្តារ ថ្នាក់អនុសេនីយ៍ត្រី ចំនួន២ ទៅ ៣នាក់ បានដើរប្រមូលលុយតាមហាងខារ៉ាអូរខេ នៅក្នុងក្រុង និងកន្លែងលេងល្បែងផ្សេងៗ ដែលបានរៀបរាប់ខាងលើនេះជារៀងរាល់ខែ។
ជាក់ស្តែងនៅក្នុងថ្ងៃដង្ហែរព្រះអដ្ឋិ របស់ព្រះមហាវិរក្សត្រ ព្រះវររាជបីតាជាតិខ្មែរ ដែលសារាចរនែណាំរបស់ប្រមុខរាជរដ្ឋាភិបាល នាយករដ្ឋមន្រ្តីនៃព្រះរាជាណាចក្រកម្ពុជា បានធ្វើការផ្សព្វផ្សាយយ៉ាងទូលំទូលាយ ហាមជាដាច់ខាតមិនឱ្យបណ្តាភោជនីយដ្ឋាន ក្លឹបកម្សាន្ត ហាងខារ៉ាអូរខេ មិនឱ្យលក់គ្រឿងស្រវឹង សប្បាយហូកញ្ច្រៀវ ជាដាច់ខាត ពេលក្រុមអ្នកយកព័ត៌មាន ទូរទស្សន៍ កាសែត បានប្រទះឃើញភោជនីយដ្ឋានមួយកន្លែងក្នុងក្រុងព្រះសីហនុ បានបើកលក់គ្រឿងស្រវឹង មានភ្ញៀវចូលផឹកស៊ី ហូកញ្ច្រៀវ ដែលមិនខ្វល់ពីសារាចរណែនាំ របស់ប្រមុខរាជារដ្ឋាភិបាលយ៉ាងដូច្នេះ ក្រុមអ្នកយកព័ត៌មានខាងលើ បានចាប់ផ្តើមថត ផ្តិតយករូបភាពនៅតាំងភោជនីយដ្ឋានខាងលើនោះស្រាប់តែលេចមុខ នគរបាលនៅអធិការដ្ឋានក្រុងព្រះសីហនុបានចេញមុខមកកាង ហើយក៏បានប្រើពាក្យសម្តីដាក់ក្រុមអ្នកសារព័ត៌មានខាងលើឱ្យទៅថតទីតាំងកន្លែងផ្សេងទៀត ទៅតាមបែបសម្តីអសីលធម៌មិនសមជាកងកម្លាំងនគរបាលជាតិបន្តិចណាសោះ។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ