រាជធានីភ្នំពេញ ៖ នៅក្នុងឆមាសទី១ ឆ្នាំ២០១៤ នេះអគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុសម្រេចប្រមូល និងបង់ប្រាក់ពន្ធចូលថវិកាជាតិបានចំនួន ២.១២៩.៧៣៨,៥ លានរៀល គិតជាដុល្លារស្មើនឹង ៥៣២,៤ លានដុល្លារអាមេរិច ស្មើនឹង ៥២,៦% នៃផែនការដែលកំណត់ដោយច្បាប់ ប្រៀបធៀបនឹងចំណូល ឆមាសទី១ ឆ្នាំ២០១៣ មានការកើនឡើងស្មើនឹង ១៣,៥ភាគរយ ក្នុងនោះថវិកា រដ្ឋចំនួនស្មើនឹង៥៦,២ ភាគរយ ថវិការដ្ឋបាលថ្នាក់ក្រោមជាតិចំនួនស្មើនឹង ៣៧,៣ភាគរយ ។
យោងតាមសេចក្តីប្រកាសព័ត៌មាន នៅក្នុងកិច្ចប្រជុំបូកសរុបលទ្ធផលប្រ មូលចំណូលពន្ធប្រចាំត្រីមាសទី២ និងការបូកសរុបលទ្ធផលការងារប្រចាំឆមាសទី១ ឆ្នាំ២០១៤ ក្រោមអធិបតីភាពលោក គង់ វិបុល ប្រតិភូរាជរដ្ឋាភិបាល ទទួលបន្ទុកជាអគ្គនាយកពន្ធដារ កាលពីថ្ងៃទី២២ ខែកក្កដា ឆ្នាំ២០១៤ នៅអគ្គ នាយកដ្ឋានពន្ធដារ បានឲ្យដឹងថា សម្រាប់ខែមិថុនា ឆ្នាំ២០១៤ អគ្គនាយកដ្ឋាន ពន្ធដារប្រមូលពន្ធ-អាករគ្រប់ប្រភេទបានចំនួន៣១៤.៣៥៤ លានរៀល ប្រមាណ ៧៨,៦ លានដុល្លារ បើប្រៀបធៀបនឹងចំណូលពន្ធប្រចាំខែមិថុនា ឆ្នាំ២០១៣ គឺ កើនឡើងចំនួនស្មើនឹងចំនួន២១,៨ភាគរយ ។
ព័ត៌មានលម្អិតមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ