រាជធានីភ្នំពេញ ៖ អ្នកយកព័ត៌មានឱ្យទូរទស្សន៍ហង្សមាស លោក ឡេង សុវណ្ណសុធា អាយុ៣០ឆ្នាំ ត្រូវបានក្រុមសន្តិសុខឯកជនហ្គារូ៉ដាមួយក្រុម ដែលមានស្ត្រីម្នាក់ឈ្មោះកើត ផល្លី អាយុជាង៤០ឆ្នាំ ជាមេសន្តិសុខ រួមជាមួយនឹងកូនចៅប្រហែលជិត១០នាក់ ព្រួតគ្នាចាប់វាយអ្នកយកព័ត៌មានរូបនោះមួយវិទ្យុទាក់ទងបែកក្បាលហូរឈាម និងដកហូតយកកាមេរ៉ាថតរូប នៅពេលចុះទៅយក
រាជធានីភ្នំពេញ ៖ អ្នកយកព័ត៌មានឱ្យទូរទស្សន៍ហង្សមាស លោក ឡេង សុវណ្ណសុធា អាយុ៣០ឆ្នាំ ត្រូវបានក្រុមសន្តិសុខឯកជនហ្គារូ៉ដាមួយក្រុម ដែលមានស្ត្រីម្នាក់ឈ្មោះកើត ផល្លី អាយុជាង៤០ឆ្នាំ ជាមេសន្តិសុខ រួមជាមួយនឹងកូនចៅប្រហែលជិត១០នាក់ ព្រួតគ្នាចាប់វាយអ្នកយកព័ត៌មានរូបនោះមួយវិទ្យុទាក់ទងបែកក្បាលហូរឈាម និងដកហូតយកកាមេរ៉ាថតរូប នៅពេលចុះទៅយកព័ត៌មាននៅខាងមុខទីស្នាក់ការទំនាក់ទំនងរថយន្តដឹកសព ក្នុងមន្ទីរពេទ្យមិត្ដភាពខ្មែរ-សូវៀត ។ ករណីក្រុមសន្តិសុខព្រួតគ្នាចាប់វាយអ្នកយកព័ត៌មានទូរទស្សន៍បែកក្បាលនេះ បានកើតឡើងកាលពីវេលាម៉ោង៤និង៣០នាទីរសៀលថ្ងៃទី២០ កក្កដា ។
តាមប្រភពព័ត៌មានពីកន្លែងកើតហេតុបានឱ្យដឹងថា គេឃើញបុរសម្នាក់ដែលអះអាងថាជាសន្តិសុខនៅក្នុងមន្ទីរពេទ្យនេះក្នុងសម្លៀកបំពាក់ខោប៉ារ៉ានិងអាវយឺត បានមកស្រែកដេញប្រជាពលរដ្ឋមួយក្រុមមានគ្នាជាង២០នាក់ដែលគេដឹងថាកំពុងតែមានបញ្ហារឿងមន្ទីរពេទ្យមិនអនុញ្ញាតឱ្យដឹកសពរបស់អ្នកជំងឺម្នាក់ដែលស្លាប់ហើយមិនឱ្យដឹកចេញ ហើយបណ្ដេញអ្នកទាំងនោះថា អ្នកគ្មានភារកិច្ចនៅទីនេះត្រូវចាកចេញ ។
ពេលមានការប្រកែកតមាត់គ្នារឿងដឹកសពរវាងសន្ដិសុខរូបនេះនិងសាច់ញាតិ ស្រាប់តែឃើញអ្នកយកព័ត៌មានរបស់ទូរទស្សន៍ហង្សមាសកំពុងលើកកាមេរ៉ាថតក៏បានស្រែកសម្លុតដោយសំឡេងខ្លាំងៗមិនឱ្យថត និងនាំគ្នាប្រវាយប្រតប់ដណ្តើមយកកាមេរ៉ា និងទូរស័ព្ទដៃពីអ្នកយកព័ត៌មានរូបនោះ ។
ចែករំលែកព័តមាននេះ