រាជធានីភ្នំពេញ ៖ ការរាំជុំគ្នាជាក្រុមបែប Flash Mob មួយបានរៀបចំឡើងដោយក្រុមក្មេងយុវវ័យនៅសួនច្បារមុខវត្តបទុម ក្បែរមាត់ទន្លេ កាលពីថ្ងៃអាទិត្យ ទី២០ កក្កដា ២០១៤ ។
គោលបំណងក្នុងការរៀបចំការរាំនេះ គឺដើម្បីផ្សព្វផ្សាយពីខ្សែភាពយន្តថ្មីរបស់ហូលីវូដ រឿង “Step Up: All In” ដែលជាខ្សែភាពយន្តមួយផ្តោតសំខាន់ជាពិសេសចំពោះការរាំ ។ ការរាំនេះ នឹងមានជាបន្តបន្ទាប់នៅសប្តាហ៍ក្រោយៗ តាមផ្សារទំនើបផ្សេងទៀតដូចជា ផ្សារទំនើបសូរិយា ផ្សារទំនើប AEON ។
“Step Up” ដែលជាភាពយន្តជាស៊េរីដ៏ល្បីល្បាញរបស់អាមេរិក និងចេញវគ្គទី៥ មានចំណងជើងថា “Step Up: All In” នៅដើមខែសីហា ខាងមុខនេះហើយ ។ ពីមួយវគ្គទៅមួយវគ្គ “Step Up” តែងតែធ្វើឱ្យអ្នកទស្សនាមានអារម្មណ៍រំភើបជាមួយក្បាច់រាំពិសេសៗរបស់តួអង្គដែលសុទ្ធតែជាអ្នកមានជំនាញផ្នែករាំ និងមានរូបរាងស្រស់សង្ហា ។ ដោយឡែកវគ្គថ្មី ដែលមានចំណងជើង “Step Up: All In” នឹងប្រមូលផ្តុំដោយតារាល្បីៗនៅវគ្គមុនៗ Ryan Guzman, Briana Evigan, Alyson Stoner និង Adam Sevani ជាដើម ។ អ្នកទាំងអស់គ្នានឹងត្រូវឆ្លងកាត់ការប្រកួតប្រជែងដ៏ស្វិតស្វាញមួយដែលអាចកំណត់ពីអនាគត និងអាជីពរបស់ពួកគេ ។ “Step Up: All In” នឹងមានបញ្ចាំងដំណាលគ្នាទាំងនៅអាមេរិក និងប្រទេសកម្ពុជា នៅដើមខែសីហា ខាងមុខនេះ។ គ្រប់វគ្គនីមួយៗនៃខ្សែភាពយន្ត “Step Up” សុទ្ធតែទទួលបានការគាំទ្រយ៉ាងច្រើនលើសលប់ជាមួយចំណូលរាប់រយលានដុល្លារ ។ ចាំមើល “Step Up: All In” នេះ តើនឹងអស្ចារ្យយ៉ាងណាដែរ? កុំភ្លេចតាមដានទស្សនាទាំងអស់គ្នានៅរោងភាពយន្ត Platinum Cineplex, រោងភាពយន្ត Legend Cinema និងរោងភាពយន្ត Major Cineplex ៕
ចែករំលែកព័តមាននេះ