រាជធានីភ្នំពេញ ៖ លោកជួន សុខរាសី ចៅក្រមសាលាដំបូងរាជធានីភ្នំពេញ កាលពីថ្ងៃទី២១ កក្កដា ២០១៤ បានសម្រេចផ្តន្ទាទោសជនជាប់ចោទឈ្មោះ ទ្រី តិច ភេទប្រុស អាយុ៤៥ឆ្នាំ ជាម្ចាស់ហាងម៉ាស្សា និងកោសជប់យីហោ១៦៨ ដាក់ពន្ធនាគារចំនួន២ឆ្នាំ និង៦ខែ តែទោសនេះត្រូវអនុវត្តក្នុងពន្ធនាគារត្រឹមតែ១ឆ្នាំ និង២ខែ ទោសសល់ពីនេះព្យួរ។
រាជធានីភ្នំពេញ ៖ លោកជួន សុខរាសី ចៅក្រមសាលាដំបូងរាជធានីភ្នំពេញ កាលពីថ្ងៃទី២១ កក្កដា ២០១៤ បានសម្រេចផ្តន្ទាទោសជនជាប់ចោទឈ្មោះ ទ្រី តិច ភេទប្រុស អាយុ៤៥ឆ្នាំ ជាម្ចាស់ហាងម៉ាស្សា និងកោសជប់យីហោ១៦៨ ដាក់ពន្ធនាគារចំនួន២ឆ្នាំ និង៦ខែ តែទោសនេះត្រូវអនុវត្តក្នុងពន្ធនាគារត្រឹមតែ១ឆ្នាំ និង២ខែ ទោសសល់ពីនេះព្យួរ។
ចៅក្រមក៏បានបញ្ជាដែរថា តុលាការមិនអនុញ្ញាតឲ្យជនជាប់ចោទខាងលើនេះបើករបរម៉ាស្សា និងកោសជប់នេះក្នុងរយៈពេល៥ឆ្នាំ។ តុលាការបានអះអាងថា បន្ទាប់ពីសវនាការជាសាធារណៈកាលពីថ្ងៃទី២៤ មិថុនា ២០១៤កន្លងទៅនេះ តុលាការបានស្តាប់ចម្លើយរបស់ជនជាប់ចោទ សាក្សី និងវត្ថុតាង ព្រមទាំងភាគីពាក់ព័ន្ធនានាររួចមកតុលាការបានរកឃើញកំហុសរបស់ជនជាប់ចោទពីបទ «សញ្ចារកម្ម»ករណីបើកហាងម៉ាស្សា និងកោសជប់បង្កប់សេវាបម្រើផ្លូវភេទពិតប្រាកដមែន។
ម្ចាស់ហាងម៉ាស្សា និងកោសជប់យីហោ(១៦៨) ស្ថិតក្នុងសង្កាត់ទូលទំពូងទី២ ខណ្ឌចំការមន ត្រូវបានចាប់ខ្លួនកាលពីខែកុម្ភៈ ២០១៤ បន្ទាប់ពីប៉ូលិសចុះបង្ក្រាបដល់ទីតាំងម៉ាស្សានេះតែម្តង៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ