រាជធានីភ្នំពេញ ៖ ក្រោយបែកបាក់គូអាពាហ៍ពិពាហ៍អស់ពេលជាច្រើនឆ្នាំ អ្នកនាងគង់ សុជាតិ បានគូថ្មីគឺលោកជា វិបុល ដែលទើបតែរៀបការកាលពីប៉ុន្មានខែមុន ប៉ុន្ដែឥឡូវនេះនាងបានគូថ្មីម្នាក់ទៀតហើយ ។ គូថ្មីរបស់អ្នកនាងគង់ សុជាតិ ជាភេទទីបីពុំមែនបុរសពេញលក្ខណៈទេ តែនាងបែរជាសប្បាយចិត្ដទៅវិញ ។
រាជធានីភ្នំពេញ ៖ ក្រោយបែកបាក់គូអាពាហ៍ពិពាហ៍អស់ពេលជាច្រើនឆ្នាំ អ្នកនាងគង់ សុជាតិ បានគូថ្មីគឺលោកជា វិបុល ដែលទើបតែរៀបការកាលពីប៉ុន្មានខែមុន ប៉ុន្ដែឥឡូវនេះនាងបានគូថ្មីម្នាក់ទៀតហើយ ។ គូថ្មីរបស់អ្នកនាងគង់ សុជាតិ ជាភេទទីបីពុំមែនបុរសពេញលក្ខណៈទេ តែនាងបែរជាសប្បាយចិត្ដទៅវិញ ។
តើគូថ្មីភេទទីបីរបស់ពិធីការិនីនៅក្នុងកម្មវិធី «សំនៀងចែងចាំង» អ្នកនាងគង់ សុជាតិ ជានរណា ?
កម្មវិធីប្រឡងចម្រៀង«សំនៀងចែងចាំង»របស់ស្ថានីយទូរទស្សន៍ស៊ីធីអិននឹងឈានចូលដល់វគ្គពាក់កណ្តាលផ្តាច់ព្រ័ត្រ ។ ដើម្បីផ្លាស់ប្តូរកម្មវិធីឱ្យកាន់តែប្លែក អ្នករៀបចំបានឱ្យតារាចម្រៀងភេទទីបីរ៉ូលីន ធ្វើជាពិធីករជាមួយពិធីការិនីគង់ សុជាតិ ។ លោកសុខ វិសាល អ្នករៀបចំកម្មវិធីប្រលងចម្រៀង«សំនៀងចែងចាំង»កាលពីពេល ថ្មីៗនេះឱ្យដឹងថា ចាប់ពីវគ្គពាក់កណ្តាលផ្តាច់ព្រ័ត្រទៅគណៈកម្មការដាក់ពិន្ទុឱ្យបេក្ខជនមានចំនួន៤នាក់ដដែល គឺអ្នកនាងម៉េង កែវពេជ្ជតា លោករិទ្ធី ស័ក លោកសូ ស្រណោះ និងកញ្ញា ហង្ស សុជាតា ។
អ្វីដែលប្លែកគឺដាក់ពិធីករម្នាក់ទៀតភេទទី៣គឺកញ្ញារ៉ូលីន ។ ការដាក់រ៉ូលីន ព្រោះជាតារាមានសមត្ថភាពប្លែកខុសពីគេច្រើនមុខកម្រនឹងរក ហើយចេះកំប្លុកកំប្លែងគួរឱ្យចូលចិត្ត សង្ឃឹមថារឹតតែធ្វើឱ្យកម្មវិធីរីករាយនិងកុំឱ្យស្ងាត់ដូចវគ្គទី១ ។ លោកសុខ វិសាល ចង់ឱ្យរ៉ូលីនបង្ហាញសមត្ថភាពថ្មី ក្នុងតួនាទីថ្មី មានភាពខុសគេ ដែលកម្មវិធីផ្សេងទៀតរ៉ូលីន មិនធ្លាប់ធ្វើ ។ លើសពីនេះ មានសាច់រឿងខ្លះឱ្យរ៉ូលីនសម្តែងដើម្បីឱ្យត្រូវជាមួយកម្មវិធី និងប្លែកថែមទៀត ។
ចំពោះការស្លៀកពាក់នោះ អ្នករៀបចំកម្មវិធីទុកឱ្យរ៉ូលីនមានសេរីភាពអត់ហាមទេ ឱ្យតែទទួលយកបាន ។ រ៉ូលីនអាចតែងជាមនុស្សស្រី ឬជាមនុស្សប្រុសក៏បាន ពោលមិនប្រកាន់ភេទទេ។ លោកសុខ វិសាល អះអាងថា នឹងខិតខំធ្វើឱ្យកម្មវិធីសំនៀងចែងចាំង ល្បីទៅៗ ល្អទៅៗដោយសារតែបទចម្រៀងដាក់ឱ្យបេក្ខជនជាបទពីរោះ ហើយអ្នកមើលអាចសិក្សាបាន បើចង់រៀនច្រៀង ព្រោះគណៈកម្មការទាំងអស់ឱ្យយោបល់ល្អ ។
អ្នកនាងគង់ សុជាតិ បញ្ជាក់ថា ពេលអ្នកដឹកនាំកម្មវិធីឱ្យមានពិធីករថ្មីបន្ថែម នាងកាន់តែធូរស្រាលខ្លះសម្រាប់ដំណើរការកម្មវិធី ព្រោះកន្លងមក នាងធ្វើកម្មវិធីម្នាក់ឯងហាក់ដូចជាស្ងាត់ និងខ្វះអ្វីម្យ៉ាង ពេលខ្លះទៀតនាងហត់នឿយច្រើន ។ នាងសប្បាយចិត្តនៅពេលមានរ៉ូលីនមកចាប់ដៃគូធ្វើការងារជាមួយ ព្រោះរ៉ូលីនជាតារាភេទទី៣មានទេពកោសល្យច្រើនបែប ។ ការដាក់ឱ្យរូ៉លីននៅលើឆាកសំនៀងចែងចាំង រឹតតែធ្វើឱ្យកម្មវិធីល្បីល្បាញថែមទៀតនៅវគ្គពាក់កណ្តាលផ្តាច់ព្រ័ត្រ ។
កម្មវិធី«សំនៀងចែងចាំង» អ្នកនាងគង់ សុជាតិ និយាយថា ឥឡូវនេះមានមហាជនច្រើនសរសើរថាប្លែក ល្អព្រោះឱ្យបេក្ខជនយកបទពីដើមមកច្រៀងជាបទដែលយើងត្រូវចូលរួមអភិរក្ស ។ លើសពីនេះ ដាក់ឱ្យបេក្ខជនច្រៀងបែបមហោរីជាទម្រង់បុរាណផងដែរ។ សម្រាប់រ៉ូលីន អះអាងថា នាងនឹងខិតខំបញ្ចេញសមត្ថភាពឱ្យកាន់តែទទួលបានការទាក់ទាញថែមទៀតនៅក្នុងកម្មវិធីប្រឡងចម្រៀង «សំនៀងចែងចាំង» ។
នាងមិនធ្វើឱ្យទស្សនិកជន និងអ្នកដឹកនាំកម្មវិធីខកចិត្តទេ ពិតជាមានរូបភាព ប្លែកៗនៅលើឆាកនាពេលខាងមុខ ។ រ៉ូលីនថា ពិតជាមានភាពរីករាយដែលនាងបានកាន់ការងារជាមួយរៀមច្បងមានទេពកោសល្យ និងកាន់តែធ្វើឱ្យនាងសប្បាយរីករាយដោយសារតែនាង និងអ្នកនាងគង់ សុជាតិ ស្គាល់គ្នាស្និទ្ធស្នាល និងធ្លាប់រួមការងារច្រើននាពេលកន្លងមក៕
ចែករំលែកព័តមាននេះ