ខេត្តបាត់ដំបង ៖ អគ្គិភ័យដែលគេសង្ស័យបណ្ដាលមកពីទុស្សេចរន្តអគ្គិសនី បានឆាបឆេះផ្សារស្រុកភ្នំព្រឹកអស់គ្មានសល់ កាលពីវេលាម៉ោង១១និង៤៥នាទីយប់ថ្ងៃទី២១ កក្កដា ដោយក្រុមអាជីវករមិនអាចរំដោះទំនិញ ឬទ្រព្យសម្បត្តិចេញពីតូបលក់បានឡើយ។
ខេត្តបាត់ដំបង ៖ អគ្គិភ័យដែលគេសង្ស័យបណ្ដាលមកពីទុស្សេចរន្តអគ្គិសនី បានឆាបឆេះផ្សារស្រុកភ្នំព្រឹកអស់គ្មានសល់ កាលពីវេលាម៉ោង១១និង៤៥នាទីយប់ថ្ងៃទី២១ កក្កដា ដោយក្រុមអាជីវករមិនអាចរំដោះទំនិញ ឬទ្រព្យសម្បត្តិចេញពីតូបលក់បានឡើយ។
សមត្ថកិច្ចបានរាយការណ៏ថា តូបលក់ដូរចំនួន២៤៤តូបនៅក្នុងផ្សារត្រូវអគ្គិភ័យលេបត្របាក់ទាំងស្រុង ខណៈរថយន្តពន្លត់អគ្គិភ័យរបស់សមត្ថកិច្ចមិនអាចជួយអន្តរាគមន៏បានទាន់ពេលវេលា ដោយសារការធ្វើដំណើរលើចម្ងាយផ្លូវជិត១០០គីឡូម៉ែត្រ រីឯរថយន្តពន្លត់អគ្គិភ័យរបស់អាជ្ញាធរថៃ ដែលជាប់ព្រំដែនខេត្តបាត់ដំបង ក្បែរស្រុកភ្នំព្រឹកក៏បានមកជួយអន្តរាគមន៏ដែរ គ្រាដែលកម្លាំងព្រះអគ្គីកំពុងឆាបឆេះពេញបន្ទុក។ ប៉ុន្តែមិនទាន់មានរបាយការណ៏ស្ដីពីគ្រោះថ្នាក់មនុស្សទេ ដោយគ្រាន់តែដឹងថា ទាំងតូបលក់និងទំនិញក្នុងផ្សាររបស់អាជីវក ត្រូវបានក្លាយជាចំណីព្រះអគ្គីទាំងស្រុង៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ