សារព័ត៌មានបរទេស កាលពីពេល ថ្មីៗកន្លងមកផ្សាយថា ក្រុមវេជ្ជបណ្ឌិតចិន បានវះកាត់យកសាច់ដុះទម្ងន់ជាង១៥គីឡូក្រាម ពីពោះក្មេងស្រីអាយុ១១ឆ្នាំបានដោយជោគជ័យ ក្រុមគ្រួសារក្មេងស្រីនោះធ្វើដំណើរលើចម្ងាយផ្លូវជាង៣.៧០០គីឡូម៉ែត ដើម្បីស្វែងរកការសង្គ្រោះនោះ ។
របាយការណ៍បញ្ជាក់ថា គ្រូពេទ្យវះកាត់ដុំសាច់ក្នុងពោះក្មេងស្រីប្រើពេលប្រហែល៨ ម៉ោង ។ ការដុះសាច់នៅក្នុងពោះដ៏ធំនេះបង្កឱ្យអវយវៈនៅក្នុងខ្លួនមិនដំណើរការ ។ក្រុមគ្រូពេទ្យបានរៃអង្គាសប្រាក់ពីមន្ទីរពេទ្យនានាបានជាង១១.០០០ផោនដើម្បីដំណើរការវះកាត់នោះ ។
ក្រុមគ្រួសារចំណាយប្រាក់ជាច្រើន ព្រមទាំងខ្ចីគេថែមទៀតក្នុងការព្យាបាលក្មេងស្រីនោះ នាពេលកន្លងមក ។ ការព្យាយមជួយសង្គ្រោះរបស់ក្រុមគ្រួសារអស់រយៈពេលជាង៥ឆ្នាំមិនបានផលល្អទេ ទើបតែចុងក្រោយនេះក្រុមគ្រូពេទ្យជួយវះកាត់យកដុំសាច់ចេញពីពោះក្មេងស្រីនោះបាន ៕
ចែករំលែកព័តមាននេះ