ស្ត្រីដែលហាត់ប្រាណក្នុងពេលមានគភ៌មិនត្រឹមតែជួយឱ្យមានអារម្មណ៍ស្រួលខ្លួនប៉ុណ្ណោះទេ តែថែមទាំងធ្វើឱ្យសន្លាក់និងសាច់ដុំនៅពេលសម្រាលកូនប្រព្រឹត្តទៅបានយ៉ាងស្រួលផងដែរ ។ ស្ត្រីគប្បីធ្វើលំហាត់ប្រាណឱ្យបានរាល់
ថ្ងៃ ៖
ស្ត្រីដែលហាត់ប្រាណក្នុងពេលមានគភ៌មិនត្រឹមតែជួយឱ្យមានអារម្មណ៍ស្រួលខ្លួនប៉ុណ្ណោះទេ តែថែមទាំងធ្វើឱ្យសន្លាក់និងសាច់ដុំនៅពេលសម្រាលកូនប្រព្រឹត្តទៅបានយ៉ាងស្រួលផងដែរ ។ ស្ត្រីគប្បីធ្វើលំហាត់ប្រាណឱ្យបានរាល់
ថ្ងៃ ៖
១- គួរចាប់ផ្ដើមធ្វើលំហាត់ប្រាណនៅពេលស្ត្រីដឹងថាមានផ្ទៃពោះ ។
២- អ្នកគួរធ្វើលំហាត់ប្រាណរយៈពេលចាប់ពី១៥ទៅ២០នាទីក្នុងមួយថ្ងៃតាមកម្លាំងកាយរបស់ខ្លួន ។
៣- មិនត្រូវទទួលទានអាហារមុនពេលចាប់ផ្ដើមធ្វើលំហាត់ប្រាណនោះទេ ។ បើចង់ទទួលទានត្រូវមានកម្រិតការញាំុឱ្យបានតិចតួចត្រឹមអាហារសម្រន់ដូចជា នំប័ុងក្រៀមមួយដុំតូចបានហើយ ។
៤- សូមបត់ជើងតូច-ធំឱ្យហើយមុនពេលហាត់ប្រាណ ។
៥- សូមកុំហាត់ប្រាណប្រសិនបើមានសញ្ញាគំរាមរលូតនិងប្រវត្តិធ្លាប់រលូតឬសម្រាលកូនមិនគ្រប់ខែ ។
៦- សូមកុំហាត់ប្រាណរហូតទាល់តែហត់ខ្លាំងឬដកដង្ហើមមិនដល់គ្នា ។
៧- ប្រសិនបើអ្នកមានអារម្មណ៍ឈឺពោះឬស្បូនចំកោងក្នុងពេលហាត់ប្រាណសូមបញ្ឈប់ហើយសម្រាកមួយរយៈ ។
៨- សូមប្រុងប្រយ័ត្ននៅពេលធ្វើលំហាត់ប្រាណក្នុងសប្ដាហ៍ទី១ ។
របៀបហាត់ប្រាណចំពោះស្ត្រីមានផ្ទៃពោះ ៖
១- លំហាត់ផ្នែកជើង ៖ លំហាត់ប្រាណជើងសម្រួលសាច់ដុំជើងឱ្យមានលក្ខណៈងាយស្រួលនិងជួយសម្រួលដល់ចលនាឈាមរត់ស្រួល។ ស្ត្រីអាចធ្វើលំហាត់ជើងនេះនៅពេលណាឬកន្លែងណាក៏បានហើយអាចធ្វើឱ្យបានញឹកញាប់តាមដែលអាចធ្វើទៅបាន ។
– លំហាត់លា និងខ្ញាំម្រាមជើង ៈ
បន្ដឹង(ខ្ញាំ)ហើយបត់ម្រាមជើងចុះក្រោម ។
– លានិងសន្ធឹងម្រាមជើងឡើងលើហើយទុកវាក្នុងស្ថានភាពបែបនេះមួយសន្ទុះ ។
– លំហាត់បត់និងសន្ធឹងកជើង ៈ
– អង្គុយលើកៅអីដាក់ភ្លៅខ្វែងគ្នារួចរុញកែងជើងទៅមុនហើយសម្រួលមកវិញ ។
– បន្ដឹងជើងដោយលាម្រាមជើងឱ្យត្រង់ ។
អ្នកត្រូវតែធ្វើបែបនេះឱ្យបានច្រើនដងទៅតាមលទ្ធភាពដែលអាចធ្វើទៅបាន ។
២- លំហាត់ប្រាណអង្គុយខ្វែងជើងគ្នា ៖ លំហាត់នេះជួយពង្រឹងចង្កេះនិងជួយឱ្យភ្លៅនិងចង្កេះងាយពត់ចុះឡើង ។ វាក៏កែលម្អចលនាឈាមរត់នៅផ្នែកខាងក្រោមនៃរាងកាយនិងជួយឱ្យឆ្អឹងត្រគាករបស់អ្នកងាយកន្ធែកចេញពីគ្នាពេលសម្រាល ។
– អង្គុយដោយដាក់ជើងខ្វែងគ្នា ។
– ដាក់បាតដៃទាំង២លើក្បាលជង្គង់រួចបន្តឹងសាច់ដុំកំប៉េះគូទហើយស្រូបដង្ហើមចូលតាមច្រមុះ ។
– ទោរខ្លួនទៅមុខនៅពេលដែលអ្នកបន្ធូរដង្ហើមចេញហើយយកដៃទាំងពីរសង្កត់លើជង្គង់រហូតទាល់តែប៉ះនឹងកម្រាលឥដ្ឋ ។
– សម្រួលដង្ហើមហើយបន្ធូរខ្លួនមកវិញ ។
– អ្នកអាចធ្វើលំហាត់ប្រាណបែបនេះដោយដាក់បាតជើងទាំង២ផ្ទប់គ្នាបាន ។
៣- លំហាត់ច្រត់ដៃនិងជើង ៖ លំហាត់នេះជួយឆ្អឹងត្រគាករបស់អ្នកឱ្យមានចលនាសម្រាប់សម្រួលដល់ការសម្រាល ។ វាក៏ពង្រឹងសាច់ដុំក្បាលពោះ និងជួយឱ្យខ្នងងាយបត់ចុះឡើងជាងមុន ។ លំហាត់នេះជួយជាពិសេសដល់អ្នកឈឺចង្កេះ ។
– ដាក់ជើងនិងជង្គង់ឱ្យរាបផ្ទាល់នឹងកម្រាលឥដ្ឋហើយរក្សាក្បាលនិងខ្នងរបស់អ្នកឱ្យនៅ
ត្រង់ ។
- ស្រូបដង្ហើមចូលយឺតៗបន្ធូរដង្ហើមចេញរួចបន្ធូរសាច់ដុំទ្វារធំ ហើយងើបក្បាលឡើងរួចស្រូបដង្ហើមចូលម្ដងទៀតរួចទើបត្រឡប់ទៅរកស្ថានភាពដើម ។
៤- លំហាត់ប្រាណត្រគាក ៈ ជាលំហាត់ប្រាណជួយឱ្យពោះវៀន ប្លោកនោម និងស្បូនមានចលនាល្អ
ក្នុងពេលមានផ្ទៃពោះសាច់ដុំទាំងនេះទន់ និងយារសន្ធឹងរួមជាមួយនឹងទម្ងន់របស់កូនដែលរុញចុះក្រោមជាហេតុធ្វើឱ្យអ្នកមានអារម្មណ៍ថាធ្ងន់មិនមានផាសុកភាព ។ វាអាចធ្វើឱ្យអ្នកលិចនោមនៅពេលក្អក់ឬកណ្ដាស់ ។ ដូច្នេះលំហាត់នេះធ្វើឱ្យអ្នកចៀសផុតពីបញ្ហានេះនិងអាចកាត់បន្ថយការប្រឈមមុខនឹងការរហែកទ្វារមាសនៅពេលសម្រាល ។
របៀបទី១ ៖
– ដេកផ្ងារបញ្ឈរក្បាលជង្គង់ទាំង២ ហើយដៃទាំ២សណ្ដូកតាមបណ្ដោយដងខ្លួនរួចផ្កាប់បាតដៃចុះ ។
– សង្កត់ខ្នងទៅទល់នឹងកម្រាលឥដ្ឋនៅពេលអ្នកបន្ធូរដង្ហើមចេញ ។
– ងាកដៃទាំង២ចេញពីដងខ្លួនដោយផ្ងារបាតដៃឡើងលើ ។
– បន្ដឹងសាច់ដុំគូទដោយស្រូបនិងពើងចង្កេះឡើង ។
– ចាប់ផ្ដើមរាប់ពី១ដល់១០យឺតៗ រួចត្រឡប់មកស្ថានភាពដើមវិញដោយបន្ធូរដង្ហើមចេញ ។
របៀបទី២៖
- បញ្ឈរជង្គង់ខាងឆ្វេង ហើយសណ្ដូកជើងស្ដាំឱ្យត្រង់ ។
– លើកជើងស្ដាំបញ្ឈរហើយសណ្ដូកជើងឆ្វេងឱ្យត្រង់ ។
– ផ្លាស់ប្ដូរចលនារបៀបនេះឱ្យបានច្រើនដង ។
របៀបទី៣
- បញ្ឈរជង្គង់ម្ខាង ។
– បត់ជង្គង់ដែលបញ្ឈរយឺតៗទៅលើជើងម្ខាងទៀតដែលលាតសន្ធឹង ។
– ត្រឡប់ជង្គង់ដែលបញ្ឈរនេះមកស្ថានភាពដើមវិញ ។
– រួចទាញជើងនោះឱ្យទៅទិសដៅម្ខាងទៀតដែលលាតសន្ធឹង ។
– ត្រឡប់ជង្គង់ដែលបញ្ឈរនេះមកស្ថានភាពដើមវិញ ។
– សណ្ដូកជើងចុះស្របតាមដងខ្លួនរួចប្ដូរទៅជើងម្ខាងទៀតដោយធ្វើរបៀបដដែលដូចមុន ។
របៀបទី៤
– ដេកផ្ងារដោយបញ្ឈរជង្គង់ ហើយផ្អឹបចូលគ្នា ។
-ដាក់ដៃសណ្ដូកតាមដងខ្លួនដោយផ្កាប់បាតដៃ ។
– ពត់ជង្គង់ដែលផ្អឹបចូលគ្នានោះទៅឆ្វេងរួចទៅស្ដាំធ្វើដូចជាការគូរកន្លះរង្វង់ហើយត្រឡប់មកស្ថានភាពដើមវិញ(ដើម្បីកុំឱ្យស្មារបស់អ្នកងើបឡើងត្រូវបែរក្បាលរបស់អ្នកផ្ទុយពីទិសដៅដែលអ្នកពត់ជង្គង់ ) ។
៥-លំហាត់ពង្រឹងខ្នង ៖
– សង្កត់ខ្នងរបស់អ្នកលើកម្រាលឥដ្ឋបន្តិច ។
– បញ្ឈរជង្គង់ទាំង២របស់អ្នកឡើងដោយស្រូបដង្ហើមចូលហើយបន្ដឹងសាច់ដុំពោះរបស់អ្នក ។ ចាប់ផ្ដើមបង្ហើបត្រគាករបស់អ្នកដោយរាប់ពី១ដល់៥ ។
– ទម្លាក់ត្រគាករបស់អ្នកមកវិញតាមល្បឿនដដែលដោយបន្ធូរដង្ហើមចេញវិញ ។
៦- លំហាត់ប៉ះជង្គង់ ៖
-គេងផ្ងារដោយកើយខ្នើយដើម្បីកុំឱ្យសាច់ដុំពោះរបស់អ្នកតឹងពេក ។
- បញ្ឈរជង្គង់ទាំងពីររបស់អ្នក ខណៈស្រូបដង្ហើមចូលហើយលើកជើងស្ដាំឱ្យកែងនឹងកម្រាល ។
– យកដៃឆ្វេងរបស់អ្នកទៅប៉ះជើងស្ដាំហើយទុកឱ្យបានច្រើននាទី ។
– ត្រឡប់មកស្ថានភាពដើមវិញដោយបន្ធូរដង្ហើមចេញ ។
៧- បច្ចេកទេសធ្វើលំហាត់កាយ ៖ ទម្រេតខ្លួនចុះដោយមានសំឡេងតន្ត្រីស្រាលៗកំដរ ហើយអនុវត្តលំហាត់ប្រាណមួយចំនួនដូចខាងក្រោមនេះ ដោយដកដង្ហើមវែងៗ ។
– លើកដៃទាំងពីរឡើងលើឱ្យផុតពីកម្រាលឥដ្ឋហើយក្ដាប់ដៃឱ្យណែន ។ បន្ធូរសាច់ដុំទាំងសងខាងរបស់អ្នកឱ្យអស់ ។ បន្តស្ថានភាពបែបនេះឱ្យបានប្រហែល២០វិនាទីហើយបន្ទាប់មកទម្លាក់ដៃរបស់អ្នកមកលើកម្រាលឥដ្ឋវិញ ។
- លើកជើងទាំង២ឡើងលើហើយបន្ដឹងសាច់ដុំជើងរបស់អ្នកដោយមិនឱ្យជង្គង់បត់ឡើង ។ ដាក់ដៃក្បែរដងខ្លួនហើយបន្ធូរវាឱ្យបានស្រួល ។ បន្តស្ថានភាពនេះប្រហែលជា២០វិនាទី ហើយបន្ទាប់មកទម្លាក់ជើងចុះលើកម្រាលឥដ្ឋវិញទើបសម្រាក ។
– ប្រឹងសាច់ដុំដៃស្ដាំ និងជើងឆ្វេងរបស់អ្នកខណៈបន្ធូរសាច់ដុំដៃឆ្វេង និងជើងស្ដាំវិញ ។ រក្សាស្ថានភាពបែបនេះឱ្យបានប្រហែល២០នាទី រួចបន្ធូរវាមកវិញបន្តិចម្ដងៗ ។ ធ្វើរបៀបដដែលដូចមុនដោយប្ដូរដៃឆ្វេងនិងជើងស្ដាំវិញម្ដង ។
– ប្រឹងសាច់ដុំដៃស្ដាំ និងជើងស្ដាំរបស់អ្នកហើយលើកវាទាំងពីរបន្ដិចម្ដងៗឱ្យផុតពីកម្រាលឥដ្ឋដោយបន្ធូរសាច់ដុំដៃឆ្វេង និងជើងឆ្វេង
វិញ ។ រក្សាស្ថានភាពបែបនេះឱ្យបានប្រហែល២០វិនាទី រួចបន្ធូរវាមកវិញបន្តិចម្ដងៗ ។ ធ្វើរបៀបនេះដដែលដូចមុនដោយប្ដូរដៃឆ្វេងនិងជើងឆ្វេងវិញម្ដង ។
ត្រូវចាំថា តើសាច់ដុំផ្នែកណាខ្លះនៃរាងកាយរបស់អ្នកដែលមានភាពតឹងណែន ហើយផ្នែកណាខ្លះទៀតដែលនៅធូរ ។
កិច្ចការស្រាលៗខ្លះស្ត្រីអាចធ្វើបាន តែប្រសិនបើការងារតម្រូវឱ្យឈរយូរ ចូរព្យាយាមអង្គុយសណ្ដូកជើងឱ្យខ្ពស់ ។ ផ្ទុយទៅវិញបើស្ត្រីអង្គុយច្រើនចូរឧស្សាហ៍ងើបឈរនិងដើរចុះ
ឡើងរាល់ពេល២-៣នាទីម្ដងរៀងរាល់ម៉ោង ។
ស្ត្រីមានគភ៌ការសម្រាក៨ម៉ោងនៅពេលយប់ហើយនៅពេលថ្ងៃក៏ត្រូវសម្រាកខ្លះដែរ ។ ក្នុងអំឡុងពេលមានផ្ទៃពោះនៅដើមត្រីមាសទី១ និងចុងត្រីមាសទី៣ ការរួមដំណេកគួរតែប្រុងប្រយ័ត្នពិសេសចំពោះស្ត្រីដែលមានប្រវត្តិរលូតឬកូនកើតមិនគ្រប់ខែព្រោះក្នុងអំឡុងពេលនោះទារកងាយរលូតខ្លាំងណាស់ ៕
(យោងតាមឯកសារសមាគមរ៉ាក់)
ចែករំលែកព័តមាននេះ