ខេត្តស្ទឹងត្រែង ៖ ចាងហ្វាងកាសែតនាគរាជនិងក្រុមការងារ៣នាក់ទៀត បានត្រូវកងកម្លំាងរាជអាវុធហត្ថខេត្តចាប់ខ្លួន ពីបទជំរិតទារលុយ ។ ហេតុការណ៏នេះ បានកើតឡើងនៅម៉ោងជាង១២ថ្ងៃត្រង់ថ្ងៃទី២០ កក្កដា ២០១៤ នៅចំណុចភូមិស្រែគរ ឃុំស្រែគរ ស្រុកសេសាន ។
សេចក្តីរាយការណ៏បានឲ្យដឹងថា មុនពេលចាប់ខ្លួន ក្រុមអ្នកកាសែតនាគរាជ ដឹកនំាដោយលោក គឹម វណ្ណារិទ្ឋ ជាចាងហ្វាង បាននំាគ្នាធ្វើដំណើរចេញពីខេត្តរតនគិរី លុះមកដល់ចំណុចកើតហេតុ ក៏ប្រទះឃើញគំនរឈើជាច្រើនដុំ រួចក៏ទាក់ទងរកម្ចាស់ឈើទើបដឹងថាជារបស់កងរាជអាវុធហត្ថ ។
ពេលទាក់ទងបានហើយ ក្រុមអ្នកកាសែតទំាងនោះ មិនបានជីកគាស់កកាយសួរនំាទេ គ្រាន់តែសុំប្រេងសំាងដើម្បីជិះបន្តមកភ្នំពេញតែប៉ុណ្ណោះ ពេលនោះខាង PM ក៏បានយល់ព្រមរួចក៏ណាត់ជួបគ្នា និងចាប់ខ្លួនតែម្តង ។
សេចក្តីរាយការណ៏ក៏បានបញ្ជាក់ទៀតថា ទីតំាងខាងលើនេះជាតំបន់សំបុករកស៊ីឈើប្រណីត ដែលក្រុមឈ្មួញត្រូវគេស្គាល់ថាជាមន្រ្តី PM ដែលមានអំណាច ហើយពួកគេបានកាប់ឈើមកស្តុកទុកនៅក្នុងភូមិច្រប់ ឃុំក្បាលរមាស ស្រុកសេសាន និង ដឹកជញ្ជូនបន្តមកខេត្តក្រចេះ កំពង់ចាម រាជធានីភ្នំពេញ និងខេត្តព្រៃវែង ។
ប្រភពបន្តថា ទីតំាងខាងលើក៏ធ្លាប់កើតមានរឿងវ៉ៃអ្នកកាសែតជាច្រើនដងរួចមកហើយដែរ នៅពេលអ្នកកាសែតបានដឹងរឿង ៕
ចែករំលែកព័តមាននេះ