តាមការរៀបចំណាត់ថ្នាក់របស់ទស្សនាវដ្តី Forbes គឺនាង Gisele Bundchen ជាកំពូលតារាបង្ហាញម៉ូដរកចំណូលបានខ្ពស់បំផុតនៅក្នុងចំណោមតារា ល្បីៗ ជាច្រើនរូបនៅក្នុងឆ្នាំ២០១៣ ដោយនាងមានចំណូលជាង៤៧លានដុល្លារ ក្នុងមួយឆ្នាំ ឬ១២៨.០០០ដុល្លារ ក្នុងមួយថ្ងៃ ។
តារាបង្ហាញម៉ូដជនជាតិប្រេស៊ីល Gisele Bundchen បានបង្ហាញម៉ូដឱ្យក្រុមហ៊ុន ល្បីៗដូចជា H&M និងជាទូតពិសេសផ្នែកទំនិញរបស់ក្រុមហ៊ុន Louis Vuitton ប្រចាំឆ្នាំ២០១៤ ។ នាងជាតារាបង្ហាញម៉ូដមានប្រាក់ចំណូលខ្ពស់បំផុតនៅលើពិភពលោករយៈពេល៧ឆ្នាំជាប់គ្នា ដោយគិតជាមធ្យមនាងមានចំណូលក្នុងមួយថ្ងៃ ១២៨.០០០ដុល្លារ ពីការបម្រើការឱ្យក្រុមហ៊ុន ល្បីៗ នៅលើពិភពលោក ។
បរិមាណនៃប្រាក់ចំណូលនោះ ធ្វើឱ្យនាង Gisele Bundchen មានចំណូលខ្ពស់ជាងកីទ្បាករគ្រីស្ទៀណូ រ៉ូណាល់ដូ ខ្សែបម្រើរបស់ក្លឹបបាល់ទាត់ Real Madrid ដល់ទៅ២ដង ។ ចំណូលនោះ គិតជាប្រាក់ចំណូលសុទ្ធសាធ ដោយបានកាត់ទៅលើការចំណាយថ្លៃកម្រៃជើងសា និងមេធាវីរបស់នាងរួចហើយ ។
នាង Gisele Bundchen បានយកប្រាក់កម្រៃរបស់ខ្លួនបើកហាងលក់សម្លៀកបំពាក់ និងឈុតក្នុងធ្វើឱ្យបានប្រាក់ចំណូលបន្ថែមទៀត ក្លាយជាអ្នកមានទ្រព្យស្តុកស្តម្ភដោយសារអាជីពបង្ហាញម៉ូដ៕
ចែករំលែកព័តមាននេះ