រាជធានីភ្នំពេញ ៖ ជនសង្ស័យប្រុស-ស្រី៣នាក់ ត្រូវបានកម្លាំងសមត្ថកិច្ចមន្ទីរប្រឆាំងគ្រឿងញៀនក្រសួងមហាផ្ទៃ ធ្វើការស្រាវជ្រាវ និងបង្ក្រាបបានជាបន្តបន្ទាប់រហូតឈានទៅឆែកឆេរ លំនៅឋានមួយកន្លែង កាលពីវេលាម៉ោង ៤ល្ងាច ថ្ងៃទី១៩ កក្កដា ២០១៤ នៅផ្ទះលេខ១០៣០ ស្ថិតនៅក្នុងភូមិ ខ២ សង្កាត់ច្រាំងចំរេះពីរ ខណ្ឌឬស្សីកែវ ដោយដកហូតបានគ្រឿងញៀនមួយចំនួន និងថង់សម្រាប់ច្រកគ្រឿងញៀនជាច្រើនដុំ ។
ជនសង្ស័យទី១.ឈ្មោះ ទៀ មី ភេទប្រុស អាយុ២២ឆ្នាំ រស់នៅក្នុងផ្ទះជួលកើតហេតុខាងលើ ,ទី២. ឈ្មោះ ពិន សុខផេង ភេទប្រុស អាយុ១៥ឆ្នាំ ទីលំនៅមិនពិតប្រាកដ និងទី៣. ភេទ ស្រី មិនស្គាល់ឈ្មោះ។
យោងតាមប្រភពព័ត៌មានពីសមត្ថកិច្ចមន្ទីរប្រឆាំងគ្រឿងញៀនក្រសួងមហាផ្ទៃបានឱ្យដឹងថា នៅមុនពេលឈានទៅដល់ការចុះឆែកឆេរផ្ទះជួលខាងលើ សមត្ថកិច្ចបានធ្វើការស្រាវជ្រាវ និងឃាត់ខ្លួនបានជនសង្ស័យ៣នាក់ នៅចំណុចបុរីកីឡា កាលពីវេលាពីវេលារសៀល បន្ទាប់មកក៏បានរាយការណ៍ទៅព្រះរាជអាជ្ញា ក៏ឈានទៅឆែកឆេរ ផ្ទះជួលជនសង្ស័យតែម្តង ។
ពេលសមត្ថកិច្ចទៅដល់ជនសង្ស័យបានធ្វើការបំផ្លាញគ្រឿងញៀនចោល និងបានរត់គេចខ្លួនអស់ នៅសល់តែថង់សម្រាប់ច្រកគ្រឿងញៀនមួយចំនួនធំ ។បច្ចុប្បន្នជនសង្ស័យទាំង៣ នាក់ត្រូវសមត្ថកិច្ចបញ្ជូនខ្លួនទៅកាន់មន្ទីរប្រឆាំងគ្រឿងញៀនក្រសួងមហាផ្ទៃដើម្បីកសាងសំណុំរឿងទៅតាមនិតិវិធីច្បាប់។
ចែករំលែកព័តមាននេះ