រាជធានីភ្នំពេញ ៖ ក្មេងទំនើង២ក្រុមមានគ្នាប្រមាណ១៥នាក់ អង្គុយផឹកស៊ីក្បែរគ្នា ស្រែកឡូឡាឌឺដងដាក់គ្នាទៅវិញទៅមកក៏កើតជាជម្លោះ វាយតប់កាប់ចាក់គ្នាផ្អើលពេញភូមិ ត្រូវប៉ូលិសចាប់វាយខ្នោះបាន៥នាក់។
ហេតុការណ៍នេះបានកើតឡើងកាលពីវេលាម៉ោង៧និង៤៥នាទីយប់ថ្ងៃទី១៣ កក្កដា នៅតាមផ្លូវបេតុង ក្នុងសង្កាត់កន្ទោក ខណ្ឌពោធិ៍សែនជ័យ។ ក្រុមក្មេងទំនើងទាំង៥នាក់ដែលត្រូវប៉ូលិសចាប់វាយខ្នោះ មិនទាន់ស្គាល់អត្តសញ្ញាណនៅឡើយទេ។
ប្រភពព័ត៌មានឱ្យដឹងថា មុនពេលកើតហេតុគេឃើញក្រុមក្មេងទំនើងមួយក្រុមមានគ្នា១០នាក់ បានអង្គុយផឹកស៊ីស្រែកឡូឡាឌឺដង ទៅក្រុមក្មេងទំនើងមួយក្រុមទៀតមានគ្នា៥នាក់ដែលអង្គុយផឹកស៊ីនៅក្បែរគ្នានោះ ស្រាប់តែក្រោយមកក៏កើតជាជម្លោះវាយតប់កាប់ចាក់គ្នាទៅវិញទៅមក បង្កឱ្យមានការភ្ញាក់ផ្អើលដល់ប្រជាពលរដ្ឋនៅក្នុងភូមិ និងបានរាយការណ៍ទៅសមត្ថកិច្ច ចុះមកធ្វើការអន្តរាគមន៍ចាប់ក្រុមក្មេងទំនើងទាំងនោះបាន៥នាក់បញ្ចូនទៅអធិការដ្ឋាននគរបាលខណ្ឌពោធិសែនជ័យដើម្បីធ្វើការសាកសួរ ៕
ចែករំលែកព័តមាននេះ